Урыстәылатәи анаԥшыҩцәа Аԥсны имҩаԥысыз алхрақәа ахәшьара рырҭеит

© Sputnik / Томас ТхайцукПресс-конференция российских дипломатов по итогам выборов в Абхазии
Пресс-конференция российских дипломатов по итогам выборов в Абхазии  - Sputnik Аҧсны
Анапаҵаҩра
Аԥсны ахада еиҭалхра мҩаԥысит хәажәкыра 22 рзы. Алхратә процесс наԥшыҩцәак рыҳасаб ала иалахәын Аԥсны иҟоу Урыстәыла Ацҳаражәҳәарҭа ахаҭарнакцәа.

АҞӘА, хәажәкыра 23 – Sputnik, Асмаҭ Ҵәыџьԥҳа. Аԥсны иахьаҵанакуа иҟаз алхырҭатә ҭыԥқәа рҿы ибыргәыз еилагарак ыҟаны иазгәаҭамызт ҳәа иҳәеит Аԥсны Иҟоу Урыстәыла ацҳаражәҳәаҩ иабжьгаҩ Максим Литвинов.

Иара иажәақәа рыла ааҩык анаԥшыҩцәа 40 инарзынаԥшуа алхырҭатә ҭыԥқәа рахь инеины алхрақәа рцашьа иашьклаԥшит.

Выборы президента Абхазии - Sputnik Аҧсны
Аилагарақәа ыҟам: анаԥшыҩцәа Аԥсны ахада иалхрақәа ахәшьара арҭеит

"Анаԥшыҩцәа иазгәарҭеит абжьыҭара апроцесс аиҿкаашьа бзиа, ауаа рацәа алхрақәа рылахәра. Ҳанаԥшыҩцәа ахьнеилакгьы гәаартыла ирыдыркылон",- иҳәеит Литвинов.

Ацҳаражәҳәарҭа ахаҭарнак иазгәеиҭеит Урыстәыла агәҭынчымра шазнарҵысуаз Аԥсны аҭыԥ змаз аполитикатә кризис.

"Алхрақәа турк ала иахьымҩаԥысыз агәахәара ду ҳнаҭеит. Ҳтәылақәа еигәылоу тәылоуп. Ҳара даара иаҳҭахуп Аԥсны аҿиара бзиа аиурц. Уажәшьҭа ҳақәгәыӷуеит ауадаҩрақәа зегьы шьҭахьҟа инхап ҳәа. Урыстәыла еснагь ацхыраара иазыхиоуп", - иҳәеит иара.

Ацҳаражәҳәарҭа апресс-маӡаныҟәгаҩ Денис Лавриков иҳәеит, алхырҭатә ҭыԥқәа рҿы асанитартә ԥҟарақәа ишрықәныҟәоз.

Аԥсны ахада еиҭалхра мҩаԥысит хәажәкыра 22 рзы. Алхратә процесс наԥшыҩцәак рыҳасаб ала иалахәын Аԥсны иҟоу Урыстәыла Ацҳаражәҳәарҭа ахаҭарнакцәа.

Алхрақәа раан заанаҵтәи адыррақәа рыла акандидат Аслан Бжьаниа 57,22% бжьы иоуит.

Иара убас шәаԥхьар ҟалоит:

Ажәабжьқәа зегьы
0