АҞӘА, хәажәкыра 26 - Sputnik. Аԥсны иҟоу Урыстәыла ацҳаражәҳәарҭа аконсултә ҟәша инанагӡо амаҵзурақәа хәажәкыра 26 инаркны иԥыркуеит акоронавирус аларҵәара алмыршаразы, абри атәы аанацҳауеит Ацҳаражәҳәарҭа Facebook аҟны адаҟьаҿы.
Иазгәаҭоуп атәылауаа шрыдыркылало анаҩстәи азҵаарақәа рзы:
- аҳәаанырцәтә тәылауаҩшәҟәы аиқәыршәареи аиуреи;
- ахынҳәразы аршаҳаҭга аиқәыршәара;
- атәанчахәытә еилыркаагақәа реиқәыршәара;
- мшаԥымза 2020 шықәсазы зықәра наӡо ауааԥсыра рзы, иара убас иҷыдоу аҭагылазаашьақәа раан урыстәылатәи атәылауаҩра реиқәыршәара.
Аԥсны ахада инапынҵақәа назыгӡо Валери Бганба ауааԥсыра акоронавирустә ҿкы COVID-19 рылаҵәара алмыршаразы аԥҟара ҿыцқәа инапы рыҵаиҩит хәажәкыра 24 рзы.
Иара убас шәаԥхьар ҟалоит:
-
Аԥсны иҟоу Урыстәыла Ацҳаражәҳәарҭа атуристцәа ацхыраара рынаҭалоит
-
Гәдоуҭатәи ахәышәтәырҭаҿгьы акоронавирус здырбало ачымазцәа шьҭарҵалоит
