"Ҳара ҳҿы аус руеит 160-ҩык аусзуҩцәа, иахьазы рыбжеиҳараҩык рыҩныҟа иаушьҭуп. Атематикатә дырраҭарақәа русура аанкылоуп. Урҭ рҭыԥан аиҭарбарақәа ҟалоит, еиԥҟьарада аус аулоит аинформациатә-политикатә дирекциа. Акорреспондентцәа, аоператорцәа аус шыруц ируеит, аҭыԥ аҿы иҟоуп. Еилаҳкаауеит иҳаду аҭакԥхықәра, ауаа рҟынӡа инагатәуп аинформациа агәыҭҟьара ҟамларцаз. Иаҭаххаргьы ишиашоу ицо аефирақәа мамзаргьы, авидеоҭыхымҭақәа иара аҿкы атемала рҭыхра ҳазыхиоуп, уи аус еиҭа иацларгьы ҟалап. Ҳәарада, аҩны иҟоу ауаа руалафахәы шыҟац иаанхоит. Аус зуа рзы акәзар, иаԥҵоуп аҭагылазашьақәа ачымазара аҽацәыхьчаразы, дара еиқәыршәоуп иахәҭоу амаҭәахәқәа рыла, иазгәаҭоуп иҷыдоу ахәшәқәа рыла ауадақәа ррыцқьара. Арадио аусзуҩцәагьы ателехәаԥшра аусзуҩцәа реиԥш аус руеит, аинформациа назго рыда егьырҭ зегьы рыҩныҟақәа рахь иаушьҭуп. Ауаа рыхдырра ҳақәгәыӷуеит, аамҭак аҩны итәар иаҳа еиӷьуп, ргәабзиара ашәарҭара иҭадмыргыларцаз", - ҳәа еиҭалҳәеит Аргәынԥҳа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
- Кәарҷиа арежим ҷыда алагаларазы: ҳажәлар азакәан иқәныҟәароуп рхы рыхьчарц
-
Џьапуаԥҳа еиҭалҳәеит аԥсуа-аурыс ҳәааҿы амедицинатә усбарҭа аусушьа атәы
