Аҟәатәи акоммуналтә маҵзурақәа русура аанкылаӡам

© Sputnik / Томас ТхайцукАдминистрация города Сухум
Администрация города Сухум  - Sputnik Аҧсны
Анапаҵаҩра
НовостиTelegram
Аԥсны аҭагылазаашьа ҷыда алагалоуп хәажәкыра 28 инаркны, атәылаҿы акоронавирустә ҿкы алаҵәара аԥырҟәҟәааразы ауааԥсыра рыҩны иҟазарц рабжьыргоит.

АҞӘА, мшаԥымза 5 - Sputnik. Атәыла ахьынӡанаӡааӡо акарантин шалагалоугьы аҳҭнықалақь акоммуналтә маҵзурақәа абжьааԥнеиԥш аус руеит ҳәа Sputnik иалҭаз аинтервиу аҟны илҳәеит Аҟәа ахадара акоммуналтә усбарҭа аиҳабы ихаҭыԥуаҩ Елена Атиопина.

"Акоммуналтә маҵзурақәа еснагь аус рулароуп, акарантин аамҭагьы уахь иналаҵаны. Иҟалап, ақалақьуаа игәарҭазар "Анхамҩа иаҵәа" аусзуҩцәа рџьабаа, урҭ уажәы аусура иаҳагьы ирзымариоуп, амҩан амашьынақәа рԥырхагам", – ҳәа азгәалҭеит лара.

Атиопина адырра ҟалҵеит акоммуналтә усзуҩцәа ҭакԥхықәра дула рус ишазнеиуа, доусы инапы иану адҵа аҵыхәтәанынӡа ишынаигӡо, атәылаҿы аҭагылазаашьа ҷыда шыҟоугьы. Убас, апальмақәа рыхәышәтәра аназгәаҭаз аҿҳәара иахмырԥакәа имҩаԥыргоит.

Здание администрации г. Сухум. - Sputnik Аҧсны
Аҟәа ақалақь аҿы акоронавирус аҿагыларатә уснагӡатәқәа дырӷәӷәоит

"Аӡыканал" акәзаргьы, напеиқәыԥса ҟамҵакәа аусура иаҿуп, аспециалистцәа иҟалало авариақәа рырҽеира иаҿуп ҳәа азгәалҭеит Атиопина.

"Иаҳҳәап, иацы авариатә шәарҭара ҟалеит Арӡынбеи Инал-иԥеи рымҩақәа реихысырҭаҿы, аҩнқәа шьарда аӡы рыҵалар ауан. Уаҟа амцарцәагатә гидрант ԥжәеит, "Аӡыканал" ахәлара иаарымнахаанӡа аусура иаҿын", – лҳәеит лара.

Абзазаратә гәамсам аус адулара ашәарҭара ацуп, избанзар акоронавирустә ҿкы ҳауала ауаҩы икыр илшоит, асаба иахьалоу. Аха ус шакәугьы, агәамсам еизызго амашьынақәа уахынлеи ҽынлеи еиԥҟьарада аус руеит, ақалақь аҿы џьаргьы уи аганахьала уадаҩра ыҟаӡам лҳәеит Елена Атиопина.

"Иҷыдоу автонхамҩа" аиҳабы Алхас Кәаӷәаниа иазгәеиҭеит инапаҵаҟа иҟоу аусзуҩцәа ахыхьчара аԥҟарақәа ишрықәныҟәо.

"Ҳара аус ҳуеит ишаабац еиԥш, ақалақь агәамсам алгара абжьааԥнеиԥш имҩаԥысуеит. Амашьынақәа ашьыжь асааҭ хәба рзы идәықәлоит, амҩақәа рыԥссара иалагоит асааҭ фба рзы, аизгарҭа машьынақәа быжьба рыбжазы идәықәлоит. Анаҩс асааҭ акы инаркны ахәылбыҽха асааҭ фба рҿынӡа арҭ аусқәа ирыцҵахоит", – ҳәа русушьа арежим дазааҭгылеит Кәаӷәаниа.

Иара адырра ҟаиҵеит, амедицинатә усзуҩцәа аамҭа-аамҭала агәамсамеизгарҭа машьынақәа рныҟәцаҩцәа ршоура шгәарҭо азы.

"Дара еиқәыршәоуп напхазла, сабрадала, арзҩыдатәгақәа рыла, амашьынақәагьы хазы ирыӡәӡәоит. Ҳусзуҩцәа ари аҭагылазаашьа аганахьала аилкаара рымоуп, зегьы русуратә ҭыԥқәа рҿы иҟоуп", – иҳәеит Кәаӷәаниа.

Аԥсны ауааԥсыра акоронавирус рацәыхьчаразы аоперативтә штаб адыррақәа рыла, иахьазы ҳтәылаҿы ачымазара ҿкы уаҩы идбалам.

Иара убас шәаԥхьар шәылшоит:

Ажәабжьқәа зегьы
0