АҞӘА, мшаԥы 6 - Sputnik. Урыстәыла аиҳабыра амедицинатә хархәага хкқәак рганахь ала аԥкырақәа аларгалоит. Арахь иаҵанакуеит асабардақәеи анапҭарԥақәеигьы. Абри азы ақәҵара кьыԥхьуп Аминистрцәа реилазаараа саит аҟны.
Аԥкыра зыдгалоу атауарқәа рахь иаҵанакуеит:
- афильтрациатә респираторқәа,
- амедицинатә сабардақәеи анапҭарԥақәеи,
- акасыш,
- знык ахархәара зырҭо амедицинатә еидкылақәа,
- аҽыхьчаратә медицинатә цәамаҭәа,
- актәи амедико-санитартәи актәи ацхыраареи рыҭаразы аграждантә хьчараз ихаҭалатәиу амедицинатә еидкылақәа.
Арегионқәа реиқәыршәаразы ақәҵара инақәыршәаны Афедералтә оператор-координаторс иҟалоит аҳәынҭкорпорациа "Ростех" иаҵанакуа "Корпорация "Росхимзащита".
Уи адагьы афармацевтә усура азы азин ҷыда – алицензиа змам аиҿкаарақәа арҭ ахархәагақәа рыҭиреи раахәареи азин рымхуп.
Убри аан атауар аахәамҭа аҟынтәи зацҵара ҟало 10% ракәхоит.
Иара убас шәаԥхьар ҟалоит:
- Акоронавирус азы алаҵа аԥстәқәа рҿы иԥыршәеит Ҭырқәтәыла
- Шәача аџьармыкьа адыркит акарантин аилагара иахырҟьаны
