АҞӘА, мшаԥы 7 -Sputnik, Сариа Кәарцхьиаԥҳа. Гагра араион аҿы аҭагылазаашьа ҷыда еиҳа ирӷәӷәахоит ҳәа Sputnik иазеиҭеиҳәеит Аԥсны Ашәарҭадаратә хеилак амаӡаныҟәгаҩ инапынҵақәа назыгӡо Беслан Кәыҵниа.
"Араион аҿы азинхьчаратә усбарҭақәа русура рӷәӷәахоит. Акоменданттә сааҭ алагалара макьаназы аӡбахә ҳәам", - иҳәеит иара.
Аԥсны аҵакыраҿы раԥхьаӡа акәны акоронавирус зыхьыз ауаҩы дҟалеит, иара Гагратәуп, Москвантәи дааит. Уажәы ачымазаҩ Гәдоуҭатәи ахәышәтәырҭа дҭоуп.
Ареспублика аепидемиологиатә маҵзура ачымазаҩ икәша-мыкәша иҟаз ауаа ҭнаҵаауеит.
Иара убас шәаԥхьар ҟалоит:
- Акоронавирус змоу ауаҩԥсы Гәдоуҭатәи ахәышәтәырҭахь днагоуп
