Х-нызқьҩык инарзынаԥшуа ацхыраара иаҳәеит Аԥсны асоцмаҵзурақәа рҿы

© Sputnik / Томас ТхайцукМинздрав Абхазии
Минздрав Абхазии  - Sputnik Аҧсны
Анапаҵаҩра
НовостиTelegram
Акоронавирус алаҵәаразы ашәарҭара ахьыҟоу инамаданы Аԥсны хәажәкыра 28 раахыс иалагалоуп аҭагылазаашьа ҷыда, уи инақәыршәаны аусура иаҟәыҵит аџьармыкьақәа, акрыфарҭақәа, ауаажәларратә транспорт. Аӡәырҩы абарҭ аԥкрақәа рымшала афинанстә уадаҩрақәа ирықәшәеит.

АҞӘА, мшаԥы 7 – Sputnik, Бадри Есиава. Х-нызқьҩык рҟынӡа Аԥсны ауааԥсыра Агәабзиарахьчара аминистрра асоциалтә маҵзурахьы ацхыраара иаҳәахьеит ҳәа Аԥсуа телехәаԥшра аефир аҿы иҳәеит Акоординациатә штаб алахәыла Алхас Џьынџьал.

"Аиҳарак ауааԥсыра аҳәоит афатә, ахәыҷқәа рзы апамперсқәа. Аԥара уаҩ дамыҳәац", - иҳәеит иара.

Џьынџьал излеиҳәаз ала, мчыбжьык, жәамш рыҩнуҵҟа ацхыраара зҭаху рыҭара азҵаара ӡбахоит.

Акоронавирус иазку аҵыхәтәантәи ажәабжьқәа шәрыԥхьар ҟалоит абра>>

Ажәабжьқәа зегьы
0