АҞӘА, мшаԥы 9 - Sputnik. Аԥхьа ичмазаҩхаз иҭагылазаашьа бжьаратәла иуадаҩуп, аиӷьхарахь ихы ханы ирбоит, аҩбатәи ачымазаҩгьы улыцәшәартә дыҟам ҳәа аанацҳауеит Акоронавирус азы аоперативтә штаб.
Иазгәаҭоуп арҭ ауаа ирныруаз зегьы рҽыԥхьакны иҟоуп ҳәа. Акоронавирус азы атестқәа ирыхрыжьит жәаҩык. Урҭ авирус рыдрымбалеит.
Аоперштаб аҽазныкгьы амедицинатә усзуҩцәа ргәы рҽанырҵеит апациентцәа ирызку аинформациа ирмаӡатәу ауп ҳәа.
Акоронавирус змоу актәи ахаҵа мшаԥы 7 рзы ахәышәтәырҭахь днаган. Адырҩаҽны ахәышәтәырҭахь днаргеит иара дызныруаз аԥхәыс. Дара рҩыџьагьы гагратәи аҩнеихагылақәа руак иҩноуп. Уажәы гәдоуҭатәи ахәышәтәырҭаҿы ишьҭоуп.
Мшаԥы 8 ауха инаркны Гагра араион акоменданттә сааҭ алагалоуп асааҭ 20:00 инаркны асааҭ 07:00 рҟынӡа.
Иара убас шәаԥхьар ҟалоит:
- Акоронавирус зыдбалоу аҩбатәи ауаҩгьы гагратәи аҩнеихагылаҿы инхо лоуп
Акоронавирус иазку аҵыхәтәантәи ажәабжьқәа шәрыԥхьар ҟалоит абра>>
