Аҩнуҵҟатәи аусқәа рминистрраҿы ирҳәеит ауаа ахараԥса рыршәара ианалаго

© Sputnik / Александр Кряжев / Амедиаҵәахырҭахь аиасраВыдача пенсий
Выдача пенсий - Sputnik Аҧсны
Анапаҵаҩра
НовостиTelegram
Мшаԥы 9 рзы Аԥсны ахада инапынҵақәа назыгӡо Валери Бганба инапы аҵаиҩит атәыла иахьаҵанакуа аԥкыра цҵақәа ралагаларазы Адекрет.

АҞӘА, мшаԥы 13 - Sputnik. Ареспублика иахьаҵанакуа аԥкыра цҵақәа алазгало Адекрет еилазго рзы ахараԥсақәа ршәара хацыркхоит мшаԥы 13 инаркны ҳәа арадио Sputnik иазеиҭеиҳәеит Аҩнуҵҟатәи аусқәа рминистр Рауль Смыр.

"Макьана агәҽанҵара ҟаҳҵон. Ауаа иреилҳаркаауан асеиԥш аӡбра ҵакыс иамоу. Аилагарақәа иакымхар, иҩбамхар ахараԥсақәа шәалатәуп", - иҳәеит иара.

Люди на Брехаловке  - Sputnik Аҧсны
Аԥсны ауааԥсыра аҩны адәылҵра иақәиҭхом ԥсыхәа змам уск аҵыхәала акәымзар

Смыр иазгәеиҭеит Аԥсны ААР аусзуҩцәа Гали Гагреи араионқәа рҟны автомашьынақәа рныҟәара ишахылаԥшуа. Уагьы, уагьы акоменданттә сааҭ алагалоуп.

Иара иажәақәа рыла, арҭ араионқәа рҟны аныҟәара азин рымоуп амедицинатә маҵзуреи авариа-еиқәырхаратәи маҵзурақәа рмашьынақәа.

Амҩадуқәа, ашҭақәа, аԥшаҳәа, апаркқәа, аскверқәа уҳәа ауаа реизарҭа ҭыԥқәа рҿы аҟазаара ԥкуп мшаԥы 11 асааҭ 00:00 инаркны. Иахьазы ҳтәылаҿы COVID-19 рымоуп хҩык.

Аԥкыратә уснагӡатәқәа реилагаразы ахараԥса ашәара алагалоуп. Аԥхьа иааныркылаз аилагаҩ агәҽанҵара ирҭоит, аиҭаанкылараан х-нызқь мааҭ шәатәхоит.

Зегь иреиҳау ахараԥса (20 000 мааҭ) ишәароуп авирус имоуп ҳәа иазгәаҭоу ауаҩы акоменданттә сааҭ еилеигозар.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

Ажәабжьқәа зегьы
0