"Ари аиспан ашәоуп, иара акыр шықәса ахыҵуеит, аха уажәы дара акоронавирус иазкны ҿыц иҭарыҩит. Ашәа гәышьҭыхгоуп, цәгьа ибзианы ирықәҿиеит ҳәа сгәы иаанагоит. Аҳҭнықалақь акультура аҟәша аҟны аус зуа Ҭемыр Кәакәасқьыр ажәақәа иҩит урысшәалеи аԥсышәалеи, нас ашәаҳәаҩцәа иҳадигалеит иҭаҳаҩырц. Ҳаргьы флешмоб ҳасабала иацаҳҵарц ҳаӡбеит. Ажәақәа даара исгәаԥхеит, аха слакҩакит аҭаҩразы. Аиашазы, аҩны ҳаҟоуп, ақыҭарахь усқәак рзы ҳамцозар, џьаргьы ҳдәылҵӡом. Аха нас саназхәыц, аҵакы иаҵаҳҵо атәы сақәшаҳаҭхеит. Ашәа Артур Лакрба истудиаҿы иҭаҳаҩит. Доусы ҳаамҭа ҳаман, уи иақәыршәан ҳнеиуан. Сара санцоз ауаҭка сыманы сцеит, хәыҷык алафгьы ахаҳҳәааит", - ҳәа еиҭалҳәеит Габниаԥҳа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Акоронавирус иазку ажәабжьқәа рзы аҵыхәтәантәи адыррақәа шәрыԥхьар ҟалоит абра>>
