Иахьазы Аԥсны авирус зыдбалоу хҩык шракәыц иаанхоит

© Sputnik / Томас ТхайцукГудаутская ЦРБ
Гудаутская ЦРБ - Sputnik Аҧсны
Анапаҵаҩра
НовостиTelegram
Аԥсны Аҳәынҭқарра иахьаҵанакуа иахьатәи амш азы акоронавирустә инфекциа COVID-19 зыхьыз хҩык ыҟоуп.

АҞӘА, мшаԥы 13 - Sputnik. Иҳаҩсыз уахыки-ҽнаки рзы Аԥсны имҩаԥган акоронавирус рылоу-ирыламу агәаҭаразы 12-тест. Урҭ зегьы ачымазара ҿкы аадмырԥшит, абри атәы рҳәеит Ауааԥсыра акоронавирус рацәыхьчаразы аоперативтә штаб аҟны.

Сотрудник ДПС - Sputnik Аҧсны
Гагра араион аҿы акарантин еилазгаз 103-ҩык ауаа аанкылан

Раԥхьатәи ҩыџьа апациентцәа Гәдоуҭатәи ахәышәтәырҭаҿы ишьҭоуп. Урҭ рҭагылазаашьа ҭышәынтәалоуп, аицәахара иаҿӡам.

Акоронавирус зыхьыз ахԥатәи ачымазаҩ - 1925 шықәсазы ииз Гагра атәылауаҩ - ахәышәтәырҭа аҭалара мап ацәылкит. Лара лҽыԥхьакны дыҟоуп, аспециалистцәа хылаԥшра лырҭоит. Лҭагылазаашьа хар амам.

Аштаб аҿы иара убас ауаа рахь ааԥхьара ҩаԥхьа иҟарҵеит аҭагылазаашьа ҷыда арежим хырҩа арымҭарц, ԥсыхәа змам ак акәымзар, рыҩнқәа ирдәылымҵларц.

Иахьазы Аԥсны акоронавирус хҭысқәа хԥа аарԥшуп. Раԥхьа ичмазаҩхаз Гагра иқәынхо Аԥсны атәылауаҩ иоуп, уи хәажәкыра анҵәамҭазы Москвантәи дааит. Егьырҭ ҩыџьа ари ахаҵа иныруан, Гагра ҩнеихагылак аҿы еицынхоит.

Акоронавирус иадҳәалоу аҵыхәтәантәи ажәабжьқәа шәрыԥхьар шәылшоит абра>>

Ажәабжьқәа зегьы
0