Аԥсны ашколқәа рҟны аушьҭратә ԥышәарақәа иахьынӡауа рхыԥхьаӡара иагдырхоит

© Sputnik / Александр Кряжев / Амедиаҵәахырҭахь аиасраДень сдачи ЕГЭ по информатике и ИКТ, биологии, истории в Новосибирске
День сдачи ЕГЭ по информатике и ИКТ, биологии, истории в Новосибирске - Sputnik Аҧсны
Анапаҵаҩра
НовостиTelegram
Аԥсны ахада инапынҵақәа назыгӡо Валери Бганба иусдҵала ареспублика аҵаратә усҳәарҭақәа рҿы аԥсшьарамшқәа мшаԥы 20 рҟынӡа инахоуп.

АҞӘА, мшаԥы 16 – Sputnik. Ажәбатәии ажәеизатәии аклассқәа рҟны аԥышәарақәа рхыԥхьаӡара иахьынӡалшо иркьаҿхоит иҳәеит арадио Sputnik аинтервиу азҭаз Аҵара аминистр Адгәыр Какоба.

"Аԥышәарақәа мҩаԥгахоит аматематикеи ахатәы бызшәеи рзы мацара. Егьырҭ аԥышәарақәа рзы ашықәстәи ахәшьарақәа рзықәыргылахоит. Ахьтәи араӡни медалқәа зауа рзы агәаҭаратә усурақәа мҩаԥгахоит. Дара рхыԥхьаӡара дуум, жәаҩык роуп иҟоу", - иҳәеит иара.

Аушьҭратә ԥышәарақәа ркьаҿхоит абжьара-специалтә усҳәарҭақәа рҿгьы.

Аҵара аминистр иара убас иҳәеит арҵаҩцәа руалафахәы шроуа.

Аԥсны ахада инапынҵақәа назыгӡо Валери Бганба иусдҵала ареспублика аҵаратә усҳәарҭақәа рҿы аԥсшьарамшқәа мшаԥы 20 рҟынӡа инахоуп.

Мызкы инарықәуп аԥснытәи ашколхәыҷқәа ашкол ахь имныҟәоижьҭеи. Убри инадҳәаланы аҵаратә программа еиҵахоит. Акарантин мшаԥы анҵәамҭазы иаԥыххар, аҵараамҭа рашәарамза аҽеиҩшамҭанӡа инахахоит иҳәеит аминистр Адгәыр Какоба.

Иара убас шәаԥхьар ҟалоит:

Ажәабжьқәа зегьы
0