АҞӘА, мшаԥы 23 – Sputnik. Москва, Склифосовски ихьӡ зху Ацхыраара ласы Аҭҵаарадырратә институт аҟны аус адулара иаҿуп агели ахархәарала акоронавирустә инфекциа аиааиразы аметодика ҿыц. Абри атәы аанацҳауеит Москва агәабзиарахьчара Адепартамент.
"Аусумҭа аинтерес ркхьеит ЕАА, Франциа, Европа егьырҭ атәылақәа рҿы", - ҳәа рҳәоит аусбарҭаҿы.
Агели арԥҳатә чымазарақәа раан ахархәара иара аҷыда ҟазшьақәа ирҿырԥшуп. Аҵарауаа ргәаанагарала, агели акоронавирус иахҟьар зылшо ауадаҩрақәа разԥхьагәаҭара алнаршоит.
Адепартамент аҿы иазгәарҭеит атехнологиа макьаназы ишексперименталтәу.
Агәабзиарахьчаразы адунеизегьтәи аиҿкаара хәажәкыра 11 рзы акоронавирустә инфекциа COVID-19 ацәырҵра пандемиоуп ҳәа рыланаҳәеит. Аиҿкаара аҵыхәтәантәи адыррақәа рыла, адунеи аҿы авирус рыдбалоуп 2,47 миллионҩык.
Аԥсны акоронавирус аҿагылара иазку ажәабжьқәа зегьы шәрыԥхьар ҟалоит абра>>
