АҞӘА, мшаԥы 24 — Sputnik. Карелиа иҟаз финтәи аконцлагерқәа рҟны иҭакыз Ашьаусҭҵааратә еилакы ахантәаҩы Александр Бастрыкин иахь аҳәара ҟарҵеит Аџьынџьтәылатә еибашьраан аоккупациатә мчрақәа рхымҩаԥгашьа ҭҵаазарц.
Аконцлагер аҿтәи атҟәа дазыхиоуп афиннцәа рыцәгьоурақәа шаҳаҭра азылурц>>
Уаанӡа апроект "Ҿҳәарада" аҳәаақәа ирҭагӡаны иаарԥшын асовет ҭынчуаа рганахьала афинн-фашистцәа рыцәгьоурақәа. Ашәахьаҽны Ашьаусҭҵааратә еилакаҟны аусҭҵаара хацыркын.
"Ҳара, анаҩс знапынҵамҭақәа гылоу Петрозаводск ақалақь аконцентрациатә лагерқәа рҟны иҭакыз, зыԥсы ҭоу шаҳаҭцәаны ҳаҟоуп афинн-оккупантцәа имҩаԥыргоз ацәгьоурақәа рзы. Аҳәара ҟаҳҵоит урҭ ацәгьоурақәа ҭҵааны ахара зхароу аҭакԥхықәра иақәыршәазарц", - ҳәа аҳәоит Валентина Мошникова, Тамара Кардаш, Ленина Макеева, Галина Чапурина рарзаҳал.
Арзаҳал авторцәа иазгәарҭеит афинн-мпыҵахалаҩцәа "аҭынч уааԥсыра милаҭла еилыхны ишындырҵәоз, ишдыргәаҟуаз".
Дара ражәақәа рыла, арежим анапхгара имҩаԥыргоз ацәгьоурақәа рзы иарбанзаалак ҭакԥхықәрак ишаҵаргыламыз. Убри аан ацәгьа зуаз рыхьӡқәа, рыжәлақәа, рчын иахьазы аҳәара шыуадаҩу.
Карелиа-Финтәи ССР иахьаҵанакуаз 1941-1944 шықәсқәа рзы иаԥҵан жәабала аконцентрациатә лагерқәа. 1942 шықәса мшаԥымза алагамҭазы арҭ алагерқәа рҟны иҭакын 24 000-ҩык рҟынӡа ауааԥсыра.
Армаӡара зхыхыз архивқәа рдыррақәа инарықәыршәаны уа иҭакыз реиҳараҩык славианцәан. 90 процент — аурысқәа, абелорусаа, украинаа ракәын.
Аҭоурыхдырыҩцәа рыхәшьарала алагерқәа иааидкыланы 50 000-ҩык инареиҳаны иҭакын.
Иара убас шәаԥхьар ҟалоит:
-
RT апроект ҿыц #ПочтаПобеды аусура иалагоит
-
Аурысфобиеи антисемитизми еицыҿиоит, аха Холокост зегьы рҭыԥ иқәнаҵоит
