Аԥсны раԥхьа акоронавирус зыхьыз апациент ахәышәтәырҭа дҭырҩааит

© Sputnik / Евгений Епанчинцев / Амедиаҵәахырҭахь аиасраВрач подписывает пробирку с образцом биоматериала
Врач подписывает пробирку с образцом биоматериала - Sputnik Аҧсны
Анапаҵаҩра
НовостиTelegram
Акоронавирус азы атестқәа ирыхрыжьуеит ари ачымазара рылоуп ҳәа агәҩара узҭар зылшо асимптомқәа змоу, ма акоронавирус злоу ауаҩы иныруаз ауааԥсыра.

АҞӘА, мшаԥы 27 - Sputnik. Иҳаҩсыз уахыки-ҽнаки рзы Аԥсны иахьаҵанакуа акоронавирус азы атестқәа ирхысит хҩык ауааԥсыра. Урҭ зегьы зыӡбахә ҳәоу ачымазара ҿкы шрыламыз шьақәырӷәӷәан. Абри атәы аанацҳауеит Ауааԥсыра акоронавирус рацәыхьчаразы аоперативтә штаб.

Атәылаҿы уажәраанӡа акоронавирус хҩык ирыхьхьеит. Урҭ рахьтә аӡәы игәабзиара ҭышәынтәаланы ахәышәтәырҭа дҭырҩаахьеит, аҩны дыҟоуп. Аҩбатәи апациент, раԥхьаӡа акоронавирус зыхьыз ҳәа Аԥсны ишьақәыргылаз, игәабзиара ҭышәынтәалан, иахьа ахәышәтәырҭа дҭырҩааит.

Ахԥатәи апациентка - 1925 шықәсазы ииз аԥҳәыс бырг - Гәдоуҭатәи ахәышәтәырҭаҟны лыԥсҭазаара далҵит мшаԥы 26 рзы. Лара илылаҽыз ачымазара ҿкы ахы ӷәӷәаны иаанарԥшит. Лыԥсҭазаара далҵит арԥҳатә артериа атромбоемболиа иалҵшәаны.

Аԥҳәыс бырг адиагноз лзықәыргылан мшаԥы 11 рзы. Усҟан лара ахәышәтәырҭа аҭалара мап ацәылкит, иаҭахыз ахәышәтәра аҩны илоуан. Ԥыҭрак ашьҭахь лҭагылазаашьа анеицәаха, астационар ахь диаргеит.

Акоронавирустә инфекциа зыдбалаз Гагра ауааԥсыра рыхҩык ҩнеихагылак аҟны инхон.

Акоронавирус иадҳәалоу ажәабжьқәа шәрыԥхьар ҟалоит абра>>

Ажәабжьқәа зегьы
0