Микрофон  - Sputnik Аҧсны
Арадио

Кәарҷиа Аибӷа иалсуа аҳәаазы: аҩ-ҳәынҭқаррак реиқәшаҳаҭрала ишьақәырӷәӷәатәуп

© Sputnik / Томас ТхайцукВалерий Кварчия
Валерий Кварчия - Sputnik Аҧсны
Анапаҵаҩра
НовостиTelegram
Аԥсны Жәлар Реизара ахантәаҩы Валери Кәарҷиа арадио Sputnik аефир аҟны еиҭеиҳәеит Аԥсни Урыстәылеи рҳәаа еиҩнашо Аибӷа ақыҭа ахәҭақәа аҩ-аҳәынҭқаррак рыдгьылҵакырақәа ишрыҵаркуа, насгьы уи азҵаара аганахьала иахьатәи аамҭазы аҭагылазаашьа зеиԥшроу атәы.
Ҳазлацәажәаша ҳамоуп: Кәарҷиа ақыҭа Аибӷа азҵаара иазкны

"1929 шықәса инаркны Ԥсоу армарахь амшын иахьалало инаркны иахьыҵыҵуа аҟынӡа Аԥсны иадԥхьаӡалоуп иарбан хсаалазаалак, шәҟәызаалак аҟны. Аамҭала адлераа ҳара ҳганахь иҟоу Аибӷа қьырала иргон шықәсыла, адырра Аԥсныҟа иаарышьҭуан Гагра араион ахадарахь. Ажәакала, ирацәоуп ақьаадқәа ҳара ишаҳтәу зҳәо, гәыҩбара узҭо зҵаараӡам ҳа ҳзы. Ақырҭуа меньшевикцәеи Ленини зны рнапы зҵарыҩхьаз ашәҟәы ҳалаԥыршәозу сыздыруам, аха Урыстәыла иатәуп ҳәа ауп аԥхьа азҵаара шцәырҵыз, уи 2010 шықәсазы даара еимактәны иҟалеит. Аицәажәарақәа рацәаны иҟан Аҟәеи Москвеи ркомиссиақәа рыбжьара. Аменьшевикцәа рхаан иҟаз азҵаара ықәгоуп, иаанхаз 400 гектар адгьыл армарахь иҟоу, уаҟа 44–ҩык нхоит, аӡынра аӡәгьы дыҟаӡам, аԥхын инеиуеит.

Левард Барцыц. - Sputnik Аҧсны
Барцыц: Аԥсны ашьхара анхаразы ихазынахәуп

Аҵыхәтәантәи 2014 шықәсазы ҳаицәажәараан, аиҳабыра наҟ-ааҟ ҳаиқәшаҳаҭны анапаҵаҩра ҟалаанӡа, Аԥсни Урыстәылеи аҩганкгьы ҳаицәажәара иаԥырхагоу ашьаҿақәа шҳадҳамкыло ҳәа аԥкаанҵа ҳадаҳкылеит. Аибӷа ҳара ҳганахь иҟоу ҳахылаԥшуеит. Аимак аннымҵәа, аԥсуа комиссиа ҳганахьала ашәҟәқәа зегьы еизаҳгеит, аҳәамҭа ҟаҳҵеит. Аԥсуа комиссиа агәаанагарала инхаз Урыстәылеи Аԥсни рхадацәа еидтәаланы аиқәшаҳаҭра рнапы аҵарҩыроуп. Абри аҟны ҳаангыланы ҳаҟоуп. 2014 шықәсазы аурыс комиссиа ҳгәаанагара шьақәзырӷәӷәоз ашәҟәы аҭак аарышьҭит. Иаҳзымдыруаз акы-ҩба азҵаарақәа цәырҵит. Уи ашьҭахь ҳнатәан, ҳгәаанагара шьақәзырӷәӷәоз ашәҟәы ҳашьҭит. Уиижьҭеи зегьы ус иҟоуп. Ҳашәҟәы сгәаанагарала аӡбарҭа иоуҭаргьы, ҳганахь иҟоу адгьыл ҳара ишаҳтәу аҳәоит", - иҳәеит Кәарҷиа.

Иара иажәақәа рыла, Аибӷа арымаратәи ахәҭа аԥсуа ган ишатәу зҳәо ашәҟәқәа шыҟоугьы, аҩ-ҳәынҭқаррак рнапаҵаҩрала ишьақәырӷәӷәатәуп.
Жәлар Реизара ахантәаҩы убасгьы иазгәеиҭеит ари азҵаара аҵәы шаларҵало қарҭаа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

Ажәабжьқәа зегьы
0