Зыҿҳәара ахыԥахьоу аалыҵ аԥыхра: Аҳәынҭстандарт аусура алҵшәақәа

© Sputnik / Максим Богодвид / Амедиаҵәахырҭахь аиасраКорзина с продуктами
Корзина с продуктами - Sputnik Аҧсны
Анапаҵаҩра
НовостиTelegram
Астандартқәеи аенергетикатәии атехникатәии хылаԥшразы Аҳәынҭеилакы ахантәаҩы Гарри Саманба иҳәеит зхархәаратә аамҭа иахыԥахьоу афатә аалыҵ аԥыхраан проблемақәас ирымоуи аҭыԥ ишықәырҵои.

АҞӘА, мшаԥы 28 - Sputnik. Акарантин аамҭазы Аҳәынҭеилакы иаанарԥшит имаҷымкәа зыҿҳәара иахыԥахьаз атауар иҳәеит Астандартқәеи аенергетикатәии атехникатәии хылаԥшразы Аҳәынҭеилакы ахантәаҩы Гарри Саманба арадио Sputnik Аԥсны аефир аҿы. Иара игәаанагарала зыламыс цқьам анаплакыҩцәак иҟаз аҭагылазаашьа рхы иадырхәон.

"Атауар адефицит шыҟамызгьы иҟан аҭагылазаашьа ламысдарыла зхы иазырхәарц иаҿыз. Аҵәахырҭақәа рҿы атауар иаразнакы ақәгара аналымша, иҟалеит заамҭа иахыԥаз аалыҵ. Асеиԥш аан атауар ықәгатәуп, аха уи еснагь иалшом. Ҳара ауаа усеиԥш шахәҭоу маҷ-маҷ иазааҳгоит. Уаанӡа абри аганахьала агәынхарақәа ҟалозар, уажәшьҭа ҳаилыркаауа ҳалагеит", иҳәеит Саманба.

Иара иажәақәа рыла, иҟоуп ацәынха аус адуларазы апроблемақәа, аха ааигәа аблырҭа маҷқәа аԥырҵо ҳалагоит. Аҳәынҭстандарт иалшо ҟанаҵоит аҭирҭақәа рахь зыҿҳәара иахыԥахьоу атауар мнеирц, аиҳаракгьы ауаа ԥарала ианбеиам ҳәа азгәеиҭеит аилак ахантәаҩы.

Уаанӡа Саманба иҳәахьан Аҳәынҭстадарт аусура иалҵшәаны ахәаахәҭырҭақәа рҟны изакәанымкәа ахәқәа рышьҭыхра шалдмрышаз. Уи аус аҟны ацхыраара ҟанаҵоит иҷыдоу аҭелтә еимадара.

Иара убас шәаԥхьар ҟалоит:

Ажәабжьқәа зегьы
0