АҞӘА, мшаԥы 29 – Sputnik. Аԥсны иҟоу Урыстәыла Ацҳаражәҳәарҭа аусзуҩцәа 1941-1945 шықәсқәа рзтәи Аџьынџьтәылатә еибашьра Ду аветеранцәа Урыстәыла ахада Владимир Путин ихьӡала ирыдныҳәалеит, амедалқәа рнапаҿы иддыркит ҳәа Sputnik иазеиҭеиҳәеит аусбарҭа апресс-маӡаныҟәгаҩ Денис Лавриков.
"Мшаԥы 27 -29 рзы Аԥсны иҟоу Урыстәыла Ацҳаражәҳәарҭа аусзуҩцәа 1941-1945 шықәсқәа рзтәи Аџьынџьтәылатә еибашьра Ду аветеранцәа ирҭааит Аиааира 75-шықәса ахыҵра аламҭалаз, Урыстәыла ахада Владимир Путин ихьӡала ирыдныҳәалеит, амедалқәа рнапаҿы иддыркит, аматериалтә цхыраара рзыҟарҵеит", - иҳәеит иара.
55 000-ҩык инареиҳаны Аԥсны ауааԥсыра аибашьра Ду иалахәын. Урҭ рҟынтәи 17 000-ҩык рыҩныҟа изыхнымҳәит. Ареспублика 22-ҩык ауааԥсыра Асовет Еидгыла афырхаҵа ҳәа ахьӡ ҳаракы иаԥсахеит.
Иара убас шәаԥхьар ҟалоит:
- Путин иахь ашәҟәы: Аԥсны аветеранцәа зегьы аԥара рзыршәарц аҳәара ҟарҵоит
