Аԥсны ахада Аҩнуҵҟатәи аусқәа рминистрра аколлектив анапхгаҩ ҿыц дыдирдырит

© Sputnik / Томас ТхайцукНазначение Дмитрия Дбар на должность министра внутренних дел Абхазии
Назначение Дмитрия Дбар на должность министра внутренних дел Абхазии  - Sputnik Аҧсны
Анапаҵаҩра
НовостиTelegram
Дмитри Дбар Аԥсны аҩнуҵҟатәи аусқәа рминистрс иҟаҵаразы аусдҵа атәыла ахада инапы аҵеиҩит мшаԥы 30 рзы.

АҞӘА, мшаԥы 4 – Sputnik, Асмаҭ Ҵәыџьԥҳа. Аԥсны ахада Аслан Бжьаниа Аҩнуҵҟатәи аусқәа рминистрра аколлектив дыдирдырит анапхгаҩ ҿыц мшаԥы 4 рзы.

Дмитри Дбар атәыла анапхгара иҭабуп ҳәа реиҳәеит изыҟаҵоу агәрагаразы, иазгәеиҭеит абри аҭыԥ аҿы илшо зегь шыҟаиҵо.

МВД - Sputnik Аҧсны
Аԥсны аҩнуҵҟатәи аусқәа рминистрс дҟаҵоуп Дмитри Дбар

"Ибзиан еилыскаауеит сҿаԥхьа иқәгылоу анапынҵақәа шымариам. Аминистрра иагу рацәоуп, аха иахәҭаны иҟоу зегьы аиуртә аҟаҵараз исылшо аказы схы сеигӡом", - иҳәеит иара.

Аслан Бжьаниа иазгәеиҭеит аминистрра аусура иахәҭоу ахылаԥшреи ацклаԥшреи шаиуа.

"Ашықәс аҩнуҵҟала аминистрра ареформақәа ирхыгахоит. Уаанӡатәи аамҭақәа раан иамаз аҳаҭыри апатуи азырхынҳәтәуп. Ауаажәларра ирдыруазароуп усқәас имҩаԥнаго. Аинырра бзиа аҭатәуп аминистрреи апрокуратуреи русура. Сара исылшоит иҟоу апроблемақәа инарҵауланы рызхәыцра. Ауаа азыԥшуп азинеиҿкаара аҩаӡара ҳарак аҭахап ҳәа", - иҳәеит иара.

Уаанӡа аусбарҭа дахагылан Раули Смыр. 2019 шықәса ԥхынҷкәынмзазы аҳҭнықалақь агәҭа иҟалаз ауаҩшьра ашьҭахь иара диԥсахит уаанӡатәи аминистр Гарри Аршба.

Дмитри Дбар Аԥсны аҩнуҵҟатәи аусқәа рминистрс иҟаҵаразы аусдҵа атәыла ахада инапы аҵеиҩит мшаԥы 30 рзы.

Дбар Дмитри Сергеи-иԥа диит рашәарамза 5, 1984 шықәсазы Кескемеҭ ақалақь, Венгриа.

Занааҭла декономиступ. 2005 шықәса инаркны 2009 шықәсанӡа Аԥсны Аҳәынҭқаррахьчаратә маҵзураҟны амаҵура дахысуан.

Иара убас шәаԥхьар ҟалоит:

Ажәабжьқәа зегьы
0