Онлаин арежим ала: "Ԥсра зқәым архәҭа" Аиааира 75-шықәса ахыҵраан ишеиҿкаахо

© Sputnik / Владимир Трефилов / Амедиаҵәахырҭахь аиасраПодготовка к участию в акции "Бессмертный полк онлайн"
Подготовка к участию в акции Бессмертный полк онлайн - Sputnik Аҧсны
Анапаҵаҩра
Акоронавирустә инфекциа алаҵәара ашәарҭара ахьыҟоу азы адунеи зехьынџьара иаԥыххоит амассатә уснагӡатәқәа. "Ԥсра зқәым архәҭа" амҩасрагьы онлаин арежим ахь ииагоуп.

АҞӘА, лаҵара 7 - Sputnik, Сариа Кәарцхьиаԥҳа. Лаҵара 9 аҽны ихадоу хҭысны иҟалоит акциа "Ԥсра зқәым архәҭа онлаин" ҳәа РИА Новости имҩаԥысуаз апресс-конференциаҿ иҳәеит Урыстәылазегьтәи ауаажәларратә еиҿкаара "Урыстәыла ԥсра зқәым архәҭа" аштаб хада ацхантәаҩы Сергеи Макаров.

Подготовка к участию в акции Бессмертный полк онлайн - Sputnik Аҧсны
"Ԥсра зқәым архәҭа" авиртуалтә мҩасра иалахәхоит 600 нызқьҩык рҟынӡа ауааԥсыра

Мчыбжьык аԥхьа аиҿкааҩцәа акциа ӡырыргеит. Абри аамҭала иара алахәхаразы арзаҳал нарышьҭит ҩ-миллионҩык инареиҳаны. Макаров иазгәеиҭеит акциа жәлар еицырзеиԥшу акакәны ишыҟалаз. Арзаҳалқәа неиуеит Урыстәылеиԥш егьырҭ атәылақәа рҟынтәгьы.

Аиҿкааҩцәа ируаӡәку, Аҵәахырҭатә банк Анапхгара ахантәаҩы ихаҭыԥуаҩ Станислав Кузнецов иажәақәа рыла, апроект лассы аиҿкаара злалыршахаз ала даҽакы иалаҩашьом.

"Ауаажәларра-политикатә еиҿкаара акәша-мыкәша еизаз акоманда, аамҭа кьаҿк ала апроект рхәыцит. Апроект аиҿкаара аамҭа аласрала аҽакы иузадкылом. Ҳара зегь ҳаидызкыло амшныҳәа ду ауп. Сынтәа акоронавирус иахҟьаны ауснагӡатә онлаин арежим ахь ииагоуп. Уажәы "Ԥсра зқәым аполк" аколоннақәа еиҿаҳкаауеит. Сгәы иаанагоит урҭ иахьа уаҵәы урҭ рхыԥхьаӡара иҵегь иацлап ҳәа. Ҳара ҳазыхиоуп анкетақәа, афотосахьақәа, аҭоурыхқәа рыдкылара", - ҳәа иҳәеит Кузнецов.

Онлаин акциа аиҿкааҩцәа 15 нызқь ҭел рҭак ҟарҵахьеит. Аиҳарак ауаа зызҵаауаз акциа ишалахәхашеи аветеран изы аинформациа шырыԥшаашеи роуп.

© Sputnik РИА новости Акция "Бессмертный полк" онлайн
Онлаин арежим ала: Ԥсра зқәым архәҭа Аиааира 75-шықәса ахыҵраан ишеиҿкаахо - Sputnik Аҧсны
Акция "Бессмертный полк" онлайн

Урыстәылазегьтәи ауаажәларратә еиҿкаара "Волонтеры Победы" аштаб хада ахантәаҩы Ольга Амельченкова илҳәеит аиҿкааҩцәа ишрыцхраауа 3500-ҩык рҟынӡа аволонтиорцәа.

"Аформат онлаин ахь ииагоуп. Ус шакәугьы "Волонтеры Победы" зегь рыла ацхыраара ҟарҵоит. Ииашаҵәҟьаны, аформат шыԥсахугьы, аволонтиорцәа ринтерес иацымлозар иагхом. Шьыжьы инаркны хәлаанӡа дара апортал ахь иаауа аҭел рыдыркылоит, арзаҳалқәа рхарҭәаашьа иахәаԥшуеит. Ииашамкәа акы харҭәаазар аусеиҭадуларахь иҳархынҳәуеит", - ҳәа лҳәоит Ольга Амельченкова.

Лара илҳәеит Урыстәыла ахада Владимир Путингьы акциа аформат дшақәшаҳаҭу, дагьшалахәу.

Репетиция воздушного парада Победы в Москве - Sputnik Аҧсны
Авиациалеи салиутлеи: Шоигу еиҭеиҳәеит Аиааира амшныҳәа азгәаҭара шрыгәҭаку

Аиааира амш аҽны Mail.ru Group "Ԥсра зқәым архәҭа" аиҿкааҩцәеи дареи онлаин-мҩасра мҩаԥыргоит. Акциа мҩаԥысуеит асоциалтә ҳақәа: Одноклассники, ВКонтакте, "Ԥсра зқәым архәҭа" асаит рҿы. Атранслиациа мҩаԥысуеит жәларбжьаратәи аинформациатә маҵзура Sputnik асаитқәа рҿгьы.

Акциа аламҭалаз ВКонтакте, Одноклассники аспециалтә цҵа маҷқәа аурышьҭит ахархәаҩцәа архивтә фотосахьақәа ҭарҵарц.

Лаҵара 9 рзы иҭаҵоу асахьақәа зегьы еидкылахоит аибашьра алахәылацәа ргәалашәаразы авидеоҭоурых аҿы.

Апроект аиҿкааҩцәа ражәақәа рыла, иара есыҽны алахәылацәа ирызҳауеит, мчыбжьык аҩныҵҟала алахәхаразы ҩ-миллионк инарзынаԥшуа арзаҳалкәа аашьҭуп.

"Ԥсра зқәым архәҭа - онлаин" амҩасра ддырбоит лаҵара 9 рзы Урыстәыла амедиаекранқәа рҿы, Москватәи аметрополитен аекранқәа рҿы, онлаин-кинотеатрқәа "Okko", Море.тв, Ivi.ru аҿы, ателеканалқәа СТС, Победа рҿы

Апроект "Ԥсра зқәым архҭа онлаин" алахәхара алшоит: https://2020.polkrf.ru/, https://ok.ru/app/immortal-regiment, https://vk.com/polk_app, https://sber9may.ru/.

Ажәабжьқәа зегьы
0