АҞӘА, лаҵара 6 - Sputnik. Урыстәыла атәылахьчара аминистр Сергеи Шоигу далацәажәеит атәылаҿ Аиааира амш мҩаԥыргараны ишыҟоу ҳәа аанацҳауеит РИА Новости.
"Лаҵара 9 рзы арратә округқәа зегь рыҟни Аҩадатәи афлот аҟни имҩаԥгахараны иҟоуп аибашьцәа рбаҟақәеи рмемориалқәеи рымҵан ашәҭшьыҵәрақәа рышьҭаҵара, иҭахаз ргәаларшәара. Асааҭ 19.00 рзы минуҭктәи аҿымҭра мҩаԥгахоит", - иҳәеит аминистр.
Арратә парад арыцхә инахеит. Лаҵара 9 рзы имҩаԥгахо апарад аҳаиртә хәҭоуп: Ашҭа ҟаԥшь иахаԥыруеит 75 ҳаирплани вертолиоти. Аҳаиртә парад мҩаԥысуеит урыстәылатәи ақалақьқәа 47 рыҟни аҳәаанырцә иҟоу арратә базақәа рыҟни.
Аҿар рзы имҩаԥгахоит онлаин-проект "Открытка ветерану". Акциа "Ԥсра зқәым архәҭа" даҽа форматк ала имҩаԥгахоит.
"Ауаа рыуацәа-рҭахцәа рфотосахьақәа рыманы абарҵақәа рахь идәылҵны иқәгылоит, "Аиааира амш" ашәа еицырҳәоит. Атәыла ахы аҵыхәа ҷыдала иазырхиоу арратә машьынақәа рҟынтәи адныҳәаларақәа ҟарҵоит, арратә ашәақәа рҳәоит. Аныҳәа хыркәшахоит салиутла", - иҳәоит Шоигу.
Аминистр ашәарҭадара ахылаԥшра, ауаа, раԥхьа иргыланы аветеранцәа ргәабзиара ашәарҭара аҭамыргылара хадараны иԥхьаӡоит.
Иара убас шәаԥхьар ҟалоит:
-
"Ԥсра зқәым архәҭа" авиртуалтә мҩасра иалахәхоит 600 нызқьҩык рҟынӡа ауааԥсыра
