АҞӘА, лаҵара 7 - Sputnik. Аԥсны иаҳхысыз уахыки-ҽнаки рыла 31 коронавирус тест мҩаԥган. Атестқәа акгьы ачымазара ҿкы аанамырԥшит ҳәа аанацҳауеит Акоронавирус аҟынтә ауааԥсыра рыхьчаразы аоперативтә штаб.
Иахьазы асасааирҭа "Аиҭар" аҟны акарантин аамҭа иахысуеит 164-ҩык аҳәаанырцәынтә иааз ҳтәылауаа.
Уаанӡатәи адыррақәа рыла, ара акарантин иахысуан 111-ҩык. Уи адагьы уаанӡа атестқәа ирхысыз ԥшьҩык роуп. Зҽыԥхьазкызи COVID-19 азы атестқәа азҭази рхыԥхьаӡара зеиҳахаз аоперативтә штаб аҿы иаламцәажәеит.
Иахьазы атәылаҿ COVID-19 змоу уаҩ дыҟам. Ачымазара зыдбалаз ахҩык рҟынтәи ҩыџьа ахәышәтәырҭа илырҩаахьеит, аӡәы лыԥсҭазаара далҵит.
Акоронавирус иазку ажәабжьқәа зегьы шәрыԥхьар ҟалоит абра>>
