АҞӘА, лаҵара 8 - Sputnik. Аԥсны иҟоу Урыстәыла Ацҳаражәҳәарҭа аконсултә ҟәша аусура хацнаркуеит лаҵара 12 инаркны. Абри атәы аанацҳауеит аусбарҭа Facebook аҿтәи адаҟьаҟны.
Иазгәаҭоуп ихиоу атәылауаҩшәҟәқәа есыҽны ишрырҭо асааҭ 9:00 - 12:45; 14:00- 17:00, ахәаша асааҭ 16:45 рҟынӡа.
Аконсултә ҟәша хәышықәсатәи аҳәаанырцәтә тәылауаҩшәҟәқәа рзы анкетақәа рыдыркылоит ишьақәыргылоу аграфик ала лаҵара 12 инаркны рашәара 2 рҟынӡа.
Еиҳа инарҭбаау аинформациа аиура ҟалоит абри аҭел ала +7 (840) 226-03-91, ма аелектронтә ԥошьҭа rusembsukhum@mail.ru.ала.
Аконсултә ҟәша аҭааҩцәа рыдкылара ааннакылеит хәажәкыра 30 рзы акоронавирустә инфекциа инадҳәаланы иалагалаз аԥкрақәа инарықәыршәаны.
Апандемиа иаалагазар Аԥсны иахьаҵанакуа авирус хҩык роуп измаз. Ҩыџьа ргәабзиара шьақәдыргылахьеит, аӡәы – лыԥсҭазаара далҵит.
Иара убас шәаԥхьар ҟалоит:
- Аҿкы уаҩы идбалам: Аԥсны даҽа 34-ҩык акоронавирус азы игәарҭеит
