АҞӘА, лаҵара 11 - Sputnik. Аҵыхәтәантәи уахыки-ҽнаки рыла Урыстәыла иаарԥшуп 11 656 коронавирустә хҭыс ҿыц арегионқәа 84 рҟны ҳәа адырра ҟанаҵоит Апандемиа аҿагыларазы Москватәи аоперативтә штаб.
Абри аамҭа иалагӡаны рыԥсҭазаара иалҵит 94-ҩык, инагӡаны ргәабзиара шьақәгылеит 5495-ҩык.
Иааидкыланы иахьазы Урыстәыла иаарԥшуп 221 344-ҩык акоронавирустә чымазара ҿкы зыхьыз ауааԥсыра. Ачымазара гәарлеижьҭеи 2009-ҩык рыԥсҭазаара иалҵит, ргәы бзиахеит 39 801-ҩык.
Краснодартәи атәылаҿацә аҟны, лаҵара 10 рзтәи адыррақәа рыла, 1929-ҩык ачымазара рцәа иалоуп, урҭ рахьтә 106-ҩык хәыҷқәоуп.
Аԥсны иахьазы фҩык акоронавирус рыдбалоуп. Афҩыкгьы Москвантә иааз аԥсуа курсантцәа роуп.
Мшаԥымзазы акоронавирус рыхьит хҩык ауааԥсыра, ҩыџьа Гәдоуҭатәи ахәышәтәырҭа хадаҿы рыхәышәтәра ашьҭахь ргәы бзаханы рыҩныҟа илрыҩааит, аӡәы – 1925 шықәсазы ииз апациент – лыԥсҭазаара далҵит.
Акоронавирус иадҳәалоу ажәабжьқәа зегьы шәрыԥхьар ҟалоит абра>>
