АҞӘА, лаҵара 12 - Sputnik. Аԥсны ахада Аслан Бжьаниа Тҟәарчал араион ахада инапынҵақәа рынагӡаҩыс дҟаиҵеит Исидор Дочиа.
"Аԥсны Аҳәынҭқарра азакәан "Аԥсны Аҳәынҭқарра административ-ҵакыратә акқәа рҟны анапхгараҭаразы" ахәҭаҷ 24 инақәыршәаны, Тҟәарчал араион ахада инапынҵақәа наигӡалааит Дочиа Исидор Шьалодиа-иԥа", - ҳәа аҳәоит ахада иусдҵаҿы.
Тҟәарчал араион уаанӡатәи ахада Аида Чачхалиаԥҳа хәажәкыра 25 рзы ԥхьатәара дцеит.
Исидор Дочиа диит хәажәкыра 14 1967 шықәса рзы Тҟәарчал. 1988 - 1992 шықәсқәа рзы днаплакҩын.
Аԥсны Аџьынџьтәылатә еибашьра далахәын, Леон иордени Агәымшәараз амедали ианашьоуп.
1994 - 1998 шш. – Тҟәарчалтәи ачазауад адиректор.
1999 – 2013шш. – ИАЕ "Скорпион 1" адиректор.
2011 шықәса рзы Урыстәылатәи аҳәынҭқарратә социалтә университет далгеит.
2007 - 2011, 2011 - 2015 шш. – Тҟәарчалтәи араионтә еизара адепутат.
2014 – 2020 шш. – Ареспубликатә унитартә наплакы "ДД и Д" адиректор ихаҭыԥуаҩ.
Дочиа – аполитикатә партиа "Амцахара" аполитхеилак далахәылоуп.
Иара убас шәаԥхьар ҟалоит:
- Аԥсны ахада Ашәарҭадаратә маҵзура ахантәаҩы имаҵура дамихит
