Микрофон  - Sputnik Аҧсны
Арадио

Адлеиба Владислав Арӡынба изы: анцәа иеиԥш ҳихәаԥшуан, ҳазхара дҳазбомызт есҽны ҳашицызгьы

© Foto / Предоставлено Отаром АдлеибаОтар Адлеиба
Отар Адлеиба - Sputnik Аҧсны
Анапаҵаҩра
НовостиTelegram
Ҳаамҭазтәи аԥсуа ҳәынҭқарра ашьаҭаркҩы, аҵарауаҩ ду, Аԥсны Афырхаҵа Владислав Арӡынба диижьҭеи иахьа 75 шықәса ҵит. Аԥсны Раԥхьатәи ахада идҳәалоу игәалашәарақәа арадио Sputnik аефир аҟны еиҭеиҳәеит имашьынаныҟәцаҩ Оҭар (Ҷыҷкәа) Адлеиба.
Еицырдыруа ахьыӡқәа: Адлеиба Владислав Арӡынба изкны

"…11 шықәса схала дныҟәызгон аус сыцызуа аҩыза ида, егьыс 13 шықәса инарзынаԥшуа. Абри ахаҵа есҽны даҳбон, аха ҳара ҳадгьыл аҟны дмиӡакәа даҽа планетак аҟынтәи даазшәа ҳала ҭраа ҳихәаԥшуан, ҳазхара дҳазбомызт уаҟа аус зуаз зегьы, Анцәа иеиԥш ҳихәаԥшуан", -иҳәеит Адлеиба.

Иара иажәақәа рыла, акыр игәы инархьуан аполитика иадҳәалаз иҽеимз ажәабжьқәа, акыр иуадаҩны ихигон аибашьра ашьҭахь ҳауаажәлар рҭахара.

"Ашьыжь адыррақәа ааргон амилициаҟынтә. Исгәалашәоит амаӡаныҟәгаҩ Раиса Николаи-иԥҳа изналгеит, нас дыҩны дааин авалидол лыманы дыҩналеит иаразнак. Ауха жәохәҩык ауаа ршьит, абна иламзи абрагьцәа. Ауадаҟны итәақәаз ыҟан уа, аха урҭгьы саргьы агәыхь ҳазцәырымҵит, иара игәы ихьит, убас зегьы гәнигон.

Ҳаицәыԥхашьон, ҳагьицәшәон, даагәамҵыргьы, ирласны ихшәон, ҳиргәыбзыӷуан. Амҩа ҳшықәыз ҳмашьына бжьысит, дҭыҵит, са сзагәыҵасуам иҳәан егьи амашьына ашҟа дцеит. Ари дазгәаан дыҟоуп, ҳамцәажәакәа ҳцаны ҳааит, ԥсрак ыҟан. Адырҩаҽны ҳаицны ҳцоит, иацы хәыҷык ҳаимыргәааи, ус иҳәоит иԥшәма лахь ихы рханы: "Абри ҳашьҭахь иаауа амашьына заауа бдыруама?", - ҳәа. "Ухьчаразы имаауеи" анылҳәа, "Мамоу, уи Ҷыҷкәа имашьына бжьысыр, убрахь сҭаиртәарц ауп", - иҳәеит. Абас алаф иҳәон, ҳагьирччон, џьара акрыфара ҳнарԥхьар, "ҭаацәашәала ҳтәоит" иҳәон. Дҳадтәаланы акреицаҳфон, алаф ҳҳәон", - ҳәа игәалаиршәеит Адлеиба.

Убасгьы иара еиҭеиҳәеит Владислав Арӡынба Нхыҵ Кавказ  дышрыдыркылоз иазку хҭыск.

Шәазыӡырҩы аудио. Шәазҿлымҳаз арадио Sputnik Аԥсны.

Иара убас шәаԥхьар ҟалоит:

Ажәабжьқәа зегьы
0