АҞӘА, лаҵара 16 - Sputnik. 2020 шықәса ажьырныҳәа инаркны хәажәкырамзанӡа урыстәылауаа аиҳарак Аԥсныҟоуп иахьааз , уи ус шакәу унарбоит Урыстәыла АШәМ аҳәаахьчаратә маҵзура астатистика. Арҭ рҩызцәа арбагақәа аныԥшуеит Урыстәыла аҳәынҭстатистика асаитгьы.
Аԥсныҟа ашықәс аԥхьатәи а-хымз рыла иҭалеит 814 925-ҩык урыстәылауаа. Аҩбатәи аҭыԥ ааннакылеит Финлиандиа - 813 711 –ҩык аҭааиит, ахԥатәи - Украина, уи аҳәаа иахысит 568 000-ҩык.
Убри аан Аԥсныҟа иааз ииасыз ашықәс рхыԥхьаӡара адукылозар 1,2% рыла еиҵоуп.
Урыстәылаҟа инеиз ракәзар украинаа зегьы иреиҳауп (1,5 миллионҩык). Китаи, уаанӡа еиҳа ауаа зҭаауа атәылақәа рыбжьара ахәбатәи аҭыԥ ннакылозҭгьы, уажәы Киргизиа, Финлиандиа, Ермантәыла, Аԥсны иаԥыргеит.
Иара убас шәаԥхьар ҟалоит:
