АҞӘА, лаҵара 20 - Sputnik. Зқьы рҟынӡа аҿкы чымазара ауаҩы илоу иламу агәаҭара алзыршо аекспресс-тестқәеи атомографи Гәдоуҭатәи ахәышәтәырҭазы иаанахәеит Аԥсны Агәабзиарахьчара аминистрра аԥсуа бизнесуаа реиҿкаара "Ҳара ҳаидгылоуп" ацхыраарала ҳәа Аԥсуа телехәаԥшра аефир аҿы иҳәеит Аԥсны агәабзиарахьчара аминистр Ҭамаз Ҵахнакьиа.
"Иацы ҳара иааҳхәеит аекспресс-тестқәа, аиммуноферменттә анализқәа зқьы рҟынӡа рыҟаҵаразы иазхо. Ҳаилаӡахьеит афирма Toshiba иатәу атомограф аахәаразы. Ҳәарада ари адиагностика аҟаҵара акырӡа иеиӷьнатәуеит, ҳара имҩаԥааго арентгенологиатә диагностика арбагақәа шыбзиоугьы", - иҳәеит иара.
Аминистр иажәақәа рыла, 700-ҩык рҟынӡа авирус змоу ирызхаша ахәшә азырхиоуп. Иахәҭаны иҟалар, ареспублика иахьаҵанакуа аамҭакала 750 иара-ҭыԥ рхиахоит ҳәа азгәеиҭеит иара.
Гәдоуҭатәи ахәышәтәырҭа 350 иара-ҭыԥ рыла еиқәыршәоуп. Урҭ рахьтә 40 еиқәыршәоуп ачымазцәа рыдкыларазы. Иахьазы 20-ҩык апациентцәа аҽыхәышәтәра иахысуеит.
Иара убас шәаԥхьар ҟалоит:
-
Даҽа курсантк акоронавирус шихьыз шьақәыргылоуп
-
ИуНИСЕФ ахәыҷтәы поликлиникеи ахшараиурҭеи агуманитартә цхыраара рзыҟанаҵеит
