Микрофон  - Sputnik Аҧсны
Арадио

Боџьгәуа Гәдоуҭа араион абзазашьазы: еиҿкааны иҟоу иацаҳҵоит, иагҳажьӡом

© Foto / Николай Обаничев Баграт Боџьгәуа
 Баграт Боџьгәуа - Sputnik Аҧсны
Анапаҵаҩра
Аԥсны ахада иусԥҟа инақәыршәаны Гәдоуҭа араион ахада инапынҵақәа рынагӡараҩыс даҭоуп Баграт Боџьгәуа. Уи аҭыԥ аҿы иара диԥсахит Руслан Ладариа. Баграт Боџьгәуа 2005 шықәса раахыс Гәдоуҭа араион ахадара асоциалтә еиқәыршәара аҟәша аиҳабыс аус иуан.
Атәылауаҩи аиҳабыреи: Боџьгәуа Гәдоуҭа араион анапхгаҩы иаҳасабала игәҭакқәа ртәы

"Ҳазҭагылоу аамҭа мариаӡам, ижәбоит. Раԥхьа инаргыланы ауаа рацәажәара ҳгәы иҭоуп, ҳаҩнуҵҟатәи абиуџьет излалшо ала урҭ рыцхраара. Ҳусқәа рацәоуп, ауадаҩрақәа рацәоуп. Араион аҟны ҳаивагыланы, ҳаилибакаауа аус ҳуроуп. Аҿар иахьа рҽеидкыланы иҟоуп араион аҟны, ицхыраар рҭахуп", - иҳәеит Боџьгәуа.

Иара иазгәеиҭеит ақыҭақәа рхадацәа рыбжьара аԥхьаҟа аԥсахрақәа шыҟало.

"Сусура алҵшәа атәы сзыҳәаӡом, уи аамҭа иаҳнарбоит. Хымз, шықәсыбжак, шықәсык ҳәа иҟало сызҳәаӡом, аха иахьа Гәдоуҭа араион еиҿкааны иҳамоу иҵегьы иацаҳҵарц, иҳарԥшӡарц ауп дҵас, хықәкыс исымоу. Сгәаанагарала, аҳәаа аартхар, абиуџьет ахарҭәаара ҟалар, нас иаҳнарбоит, шықәсык аҟара аҭаххоит, иҟоу иацаҳҵоит, иагҳажьӡом", - иҳәеит Боџьгәуа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

Ажәабжьқәа зегьы
0