Аҟәа амшын аԥшаҳәаҿы џьара-џьара атротуартә плитақәа рыԥсахра иалагеит

© Sputnik / Томас ТхайцукУкладка плитки на набережной
Укладка плитки на набережной  - Sputnik Аҧсны
Анапаҵаҩра
НовостиTelegram
Аусурақәа мҩаԥысуеит аҳҭнықалақь ахада Беслан Ешба идҵала. Аусуҩцәеи аекологцәеи аҵлақәа рышьаҭақәа ирԥырхагамхартә аусура мҩаԥыргоит.

АҞӘА, лаҵара 29 – Sputnik. Аҟәа амшын аԥшаҳәаҿы атротуартә плитақәа рыԥсахра иалагеит ҳәа Sputnik иазеиҭеиҳәеит "Ақалақьргылара" аусбарҭа аиҳабы Асҭамыр Ԥиԥиа.

"Уажәазы уаанӡа иқәыз аплитақәа рықәгара иаҿуп, аҵлақәа рдацқәа ԥырыҟҟоит, абри ашьҭахь аплита ҿыц шьҭаҵахоит", - иҳәеит Ԥиԥиа.

Аҟазауаҩ иажәақәа рыла, аҵла адацқәа еизҳацыԥхьаӡа аплитақәа шьҭырхит. Афинанстә ҭагылазаашьа уадаҩ иахҟьаны аплитақәа зегь рыԥсахра алшом, убри азы иԥхасҭахаз рцынхәра аҿыц шьҭарҵоит, егьырҭ рҭыԥ аҿы ишьҭарҵоит.

© Sputnik / Томас ТхайцукАусурақәа мҩаԥысуеит ҩ-ҭыԥк рҿы - "Брехаловка" ааигәа-сигәеи Алашарбага аҳаблахь ахаҵәирҭаҿи.
Аҟәа амшын аԥшаҳәаҿы џьара-џьара атротуартә плитақәа рыԥсахра иалагеит - Sputnik Аҧсны
Аусурақәа мҩаԥысуеит ҩ-ҭыԥк рҿы - "Брехаловка" ааигәа-сигәеи Алашарбага аҳаблахь ахаҵәирҭаҿи.

Аусурақәа мҩаԥысуеит ҩ-ҭыԥк рҿы - "Брехаловка" ааигәа-сигәеи Алашарбага аҳаблахь ахаҵәирҭаҿи.

"Џьара метр ԥшьыркцак аҭаххоит, аҽаџьара 5-6. Иааидкыланы 100-150 метр ԥшьыркца ԥсахтәуп. Аплитақәа шаақәаҳхлак, асмета шьақәҳаргылоит. Аусурақәа мҩаԥысуеит "Брехаловка" инаркны аресторан "Амра" аҟынӡа, нас Алашарбагахьтәи ахаҵәирҭаҟынтә аԥкьаҭасратә кортқәа рҟынӡа. Уа аҵлақәа рдацқәа аплитақәа зегь шьҭырхит уҳәар алшоит", - иҳәоит "Ақалақьргылара" аусбарҭа аиҳабы Асҭамыр Ԥиԥиа.

Аусурақәа рымҩаԥгаразы акомиссиа ҷыда аԥҵоуп, уи иалахәуп аекологцәа.

"Аекологцәа иазгәарҭеит аҵла ашьаҭа аҟынтәи ҩ-метрак ихараноуп адацқәа рыԥҟара шыҟало ҳәа. Асеиԥш ауеит "Брехаловка" аҿы. Егьи аҭыԥ азы иҵегьы ҳаицәажәараны ҳаҟоуп", - иҳәоит иара.

Асҭамыр Ԥиԥиа иажәақәа рыла, аусурақәа мчыбжьык аҩнуҵҟа ихыркәшахоит.

Иара убас шәаԥхьар ҟалоит:

Ажәабжьқәа зегьы
0