"Ҳџьынџьуаа аԥсуа қыҭақәа рҿы рынхара азҵаара ҳаргьы ииашоу мҩаны ҳахәаԥшуеит, уи ҳадгылоуп. Сақәгәыӷуеит уажәы ҿыц арион ахадацәас иалырхызи сареи хара имгакәа ҳаиԥылара аиҿкаара. Ирымоу афонд, алшара гәаҳҭароуп. Ҵыԥх Иорданиантәи иааны иҟаз аделегациа Гьачрыԥшь инаркны Лашькындар аҟынӡа ақыҭақәа ирылсны аҭыԥқәа алхны рхатә џьабаала, рхатә ԥарала апроектқәа ааргеит анхарҭатә ҭыԥқәа рыргыларазы, аха уи залмыршахеит. Уигьы ҳазыхынҳәуеит. Ари программа аус ауеижьҭеи акрааҵуеит, иахьалҵыз ыҟоуп, иахьалымҵызгьы ыҟоуп. Ауаҩы адгьыл иуҭеит, аха алашара, аӡы, амҩа уҳәа рыла деиқәшәазароуп. Ауаҩы ацхыраара иҭатәуп, дыхьчатәуп, нас ишьапы дықәгылаанаӡагьы ақыҭаҿгьы анхаҩцәа рганахьала ауаҩреи ахаҵгылареи аниоулак, иаргьы уи игәы иаахәоит. Абасала, хәыҷык ацхыраара рыҭаны, зегьы ҳажәҩахыр еибаҳҭар, ақыҭа иашьагәыҭхоит ҳџьынџьуаа", - ҳәа азгәеиҭеит Ҳаразиа.
Иаҳа инеицыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.
Иара убас шәаԥхьар ҟалоит:
- Ҳаразиа арепатриациа азҵаара иазкны: жәлар рдипломатиагьы аус арутәуп
-
Ашәба: арепатриациа амал рацәаны иадҵахар, алҵшәа ҟамларц залшом
