АҞӘА, рашәара 11 - Sputnik. Рауль Барцба дааныркылеит Аԥсны аҩнуҵҟатәи аусқәа рминистрра аусзуҩцәа рашәара 9 рзы Гәдоуҭа имҩаԥыргоз апрофилактикатә уснагӡатәқәа рҳәаа иҭагӡаны ҳәа адырра ҟанаҵоит аусбарҭа апресс-маҵзура.
Апресс-маҵзура адыррала, Гәдоуҭа араионтә ӡбарҭа азинеилагаҩ иганахьала административтә хьырхәрас иалнахит ахараԥса иқәҵара.
Иаарту ахыҵхырҭақәа изларҳәо ала, Рауль Барцба – "ахыԥша змоу ӷьычуп", акриминалтә дунеи аҟны Пыза ҳәа дырдыруеит.
Иаҳхысыз ашықәс абҵарамзазы Аҟәа аԥшаҳәаҿы иршьыз Асҭамыр Шамбеи Алхас Аҩӡбеи Барцба иқәиргылаз ракәын.
Аҭыжьымҭа "Прайм крайм" ишаҳәо ала, Шамбеи Аҩӡбеи, Барцба рхаҿы днаргыланы, изныкымкәа Аԥсны акриминалуааи дареи аимакқәа роухьан.
Аҟәатәи аҭхаџьырҭа "Сан-Ремо" аҿаԥхьа иҟаз ахысра аҵыхәала иаанкылоуп хәҩык агәҩара ззыҟоу ауаа. Усҟан Аҩӡбеи Шамбеи рынахысгьы лыԥсҭазаара далҵит ахәынаҳаҩ Доминика Ақырҭааԥҳа.
Лаҵарамза 29 рзы даанкылан изышьҭаз Ерик Ҷкадуа, уаанӡа абри аус аганахьала иаанкылан Дато Ахалаиа, Демур Ахалаиа, Аслан Блабба, Беслан Бганба.
Иара убас шәаԥхьар ҟалоит:
- Аҟәа иҟалаз ахысра: иалкаау
-
Сан-Ремо аҿаԥхьа иҟалаз ахысра далахәын ҳәа агәҩара ззыҟаз ахаҿы даанкылоуп
