"Зегь раԥхьа ахәыҷқәа аныҟәара иугаанӡа аҳақьымцәа ирацәажәатәуп: ирԥырхагахома аҳаракыра, аҳауа. Иудыруазароуп уахынла ишыхьшәашәароу, ҽынла ишшоуроу, ирацәаны аныҟәара рылшо, ирылымшо. Абарҭ зегьы дырны игатәуп. Зынӡа асаби ашьхарахь игара шәарҭароуп. Актәи, аҩбатәи акласс аҿы итәоу аныҟәарахь ргара иаҳа еиӷьуп ҳәа исыԥхьаӡоит. Иара иабжьоугогьы иаҳауеит, иибогьы иаҳа игәникылоит. Ахәыҷы есминуҭ уишьҭало уалагар, уи иара изгьы ԥсшьарам, уара узгьы ус. Аныҟәарахь ацаразы игылатәуп ашьыжь шаанӡа, аныҟәаҩцәа иахьырҭаху аҭыԥ аҿы ианнеилак, рыԥсы шьаны, акрыфаны, илашьцаанӡа аҭыԥ ахь игьежьыроуп. Мап анакәха, уахынла џьара хҭыск ианиар ауеит", - ҳәа еиҭеиҳәеит Акаба.
Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.
Иара убас шәаԥхьар ҟалоит:
- Агәыҩбара зцыз аныҟәара: Тҟәарчал сеигәырӷьеит, аха сылаӷырӡгьы аанагеит
-
Ажьиԥҳа: атәыла аҩнуҵаҟа ҳаиҭанаиааира иреиӷьу ӡыргароуп ҳақалақьқәа рзы
