АҞӘА, рашәара 25 - Sputnik. Абџьар ҵәахны иахьимаз азы Гал араион Шьашьикәара ақыҭа инхо Оҭари Басариа даанкылоуп ҳәа аанацҳауеит Аԥсны АШәМ асаит.
"Уажәазы Аԥсны АШәМ агәаҭара мҩаԥнагоит Басариа ауаа рӷьычра, аԥара мчыла рыцәгара, ақәыларақәа уҳәа реиԥш иҟоу ацәгьоурақәа дрылахәуп ҳәа иҟоу аинформациа", - аҳәоит адырраҭараҿы.
Басариа инхарҭаҩны агәаҭараан ҵаҟатәи аихагылаҿы иԥшаан автомат АК-74, апатронқәа 30, аграната Ф-1.
Гал араион апрокуратура ашьаус хацнаркит Басариа иганахь ала Аԥсны АЗ ахәҭаҷ 217 ахәҭа 1 (закәаншьаҭада абџьари аџьаԥҳани раахәареи, рыҵәахреи, рымазаареи, рныҟәгареи) инақәыршәаны. Басариа Аԥсны ААР Галтәи ахәҭа аамҭалатәи аанкыларҭахь днагоуп.
Иара убас шәаԥхьар ҟалоит:
- Абџьар хьшәашәа Урыстәылантәи Аԥсныҟа аиагара аҳазалхыҩцәа иаԥдырҟәҟәааит
-
Тҟәарчали Гәылрыԥшьи араионқәа рҿы абџьар ҵәах рбеит
