Екзит-поллқәа Аконституциахь аиҭакрақәа рзы абжьыҭара иазку раԥхьатәи рдыррақәа ркьыԥхьит

© Sputnik / Максим Богодвид / Амедиаҵәахырҭахь аиасраПодготовка избирательных участков к голосованию по внесению изменений в Конституцию РФ
Подготовка избирательных участков к голосованию по внесению изменений в Конституцию РФ - Sputnik Аҧсны
Анапаҵаҩра
НовостиTelegram
Урыстәыла иахьаҵанакуа Урыстәыла Аконституциахь ариашарақәа ралагаларазы абжьыҭаратә ҭыԥқәа аркуп. АКХ абжьқәа рыԥхьаӡареи аихшьаалақәа рыҟаҵареи ирҿуп.

АҞӘА, ԥхынгәы 1 - Sputnik. Ауаажәларратә гәаанагара аҭҵааразы Урыстәылазегьтәи ацентр иакьыԥхьит екзит-поллқәа раԥхьатәи адыррақәа. Абри атәы аанацҳауеит РИА Новости.

Икьыԥхьу адыррақәа инарықәыршәаны 71,2% урыстәылаа ариашарақәа ирыдгылоит, 28,3% иаҿагыланы рыбжьы рҭиит.

Урыстәыла Аконституциахь ариашарақәа ралагаларазы абжьыҭарахь инеиз рхыԥхьаӡара 65% иҟоуп.

Аԥсны ауааԥсыра Урыстәыла Аконституциа аиҭакрақәа ралагаларазы рыбжьыҭара хыркәшахеит асааҭ 20:00 рзы. Уажәы аԥхьаӡарақәа мҩаԥыргоит. Аҵыхәтәантәи адыррала, иахьа, асааҭ 14:00 рҟынӡа Аԥсны рыбжьы арҭахьан 1300-ҩык инареиҳаны Урыстәыла атәылауаа.

Урыстәыла Аконституциа ариашарақәа ралагаларазы Аԥсны 1300-ҩык реиҳа рыбжьы арҭахьеит - Sputnik Аҧсны
Урыстәыла Аконституциа ариашарақәа ралагаларазы Аԥсны 1300-ҩык реиҳа рыбжьы арҭахьеит

Атәыла Аконституциа ариашарақәа ралагалара иаԥшьгамҭоуп Урыстәыла ахада Владимир Путин. Иара абри атәы рылеиҳәеит 2020 шықәса ажьырныҳәа 15 рзы Афедералтә еизарахь есышықәсатәи инашьҭымҭаҿы.

Азакәан хада аԥсахрақәа рзырхоуп атәыла ахада, аиҳабыра рлахәылацәа, аҳәынҭқарратә чынуаа рҭахрақәа, аҳәынҭқарра атәылауаа рҿаԥхьа асоциалтә гарантиақәа рырӷәӷәара, апарламент азинмчра аԥсахра, ишьақәнаргылоит аурыс бызшәа астатус. Уи адагьы ариашарақәа иалдыршоит аус зуа ахада еиҭахгьы абри аҭыԥ ахь 2024 шықәса рзы кандидатс ихықәыргылара. Аконституциахь ариашарақәа ахада урыстәылазегьтәи абжьыҭарахь иқәиргылеит.

Аконституциа ариашарақәа ралагаларазы абжьыҭара мҩаԥысраны иҟан мшаԥы 22 рзы, аха атәылаҿ аепидемиологиатә ҭагылазаашьа иахырҟьаны арыцхә ԥхынгәы 1 ахь ииаган.

Ажәабжьқәа зегьы
0