Гәдоуҭатәи ахәышәтәырҭа амедицинатә маруга ҿыцқәа аиуит

© Foto / Пресс-служба Министерства здравоохранения РАГудаутская больница получила новое медоборудование
Гудаутская больница получила новое медоборудование - Sputnik Аҧсны
Анапаҵаҩра
НовостиTelegram
Гәдоуҭатәи ахәышәтәырҭазы амедицинатә маруга ҿыцқәа аархәеит Аԥсны анаплакыҩцәа рхеидкыла "Ҳара ҳаидгылоуп", иара убас Москватәи аԥсуа диаспора рхарџь ала.

АҞӘА, ԥхынгәы 11 - Sputnik. Гәдоуҭатәи араионтә хәышәтәырҭа хада амаруга ҿыцқәа аиуит, абри атәы аанацҳауеит Аԥсны Агәабзиарахьчара аминистрра апресс-маҵзура. 

Ахәышәтәырҭахь Аԥсны анаплакыҩцәа рхеидкыла "Ҳара ҳаидгылоуп", иара убас Москватәи аԥсуа диаспора рхарџь ахҭынҵаны иааргеит автоматикатә биохимиатә анализатори ареактивқәа 1 миллионки 576 нызқьи 699 мааҭ рыхә ала.

"Иҳауз автоматикатә анализатор иҳалнаршоит имҩаԥааго алабораториатә ҭҵаарақәа рыхкқәа рырҭбаара, раԥхьаӡа инаргыланы акоронавирустә инфекциа ахәышәтәразы иаҭаху аҭҵаарақәа рырҭбаара",  - ҳәа аанацҳауеит адырраҭара.

Анализатор Гәдоуҭатәи ахәышәтәырҭаҟны ишьақәдыргылоит иааиуа амчыбжь алагамҭазы.

"Уи аус адызуло амедицинатә персонал иааркьаҿу арҵаратә курс иахысуеит", - ҳәа азгәарҭеит Агәабзиарахьчара аминистрраҟны.

Уаанӡа адырра ҟарҵахьан ԥхынгәы 9 инаркны аусура ишалагаз Аминистрцәа Реилазаараҿы иҟоу агуманитартә цхыраара азҵаарақәа рзы акомиссиа, уи Аԥсныҟа иаауа агумцхыраара аихшара азҵаарақәа ирыхәаԥшуеит.

Иара убас шәаԥхьар ҟалоит:

Ажәабжьқәа зегьы
0