Аԥсны Агәабзиарахьчара аминистрра атәыла амедицинатә усбарҭақәа рзы амаҭәахәқәа аанахәеит "Аурысцәа руаԥшь" ацхырааралеи ареспубликатә биуџьет аԥаралеи. 2 952 500 мааҭ рыхә амаҭәахә аиуит Ареспубликатә хәыҷтәы хәышәтәырҭа.
"Амаругақәа шҳауаз аадыруан, избанзар ҳара иаҳҭахыз асиала еиқәыршәан, уа иарбан аҳауатә концентратор ҳәа изышьҭоу ҩба, аҳауатә рыцқьагақәа жәаба. Аха иҳауз аҟнытә зегь реиҳа ҳзеигәырӷьо анаркозтә аппарат ауп, аԥҟарақәа раан зыда ҳхәарҭам. Убри ҿыц иаҳзааргеит, уи ахә цәгьоуп, миллионки бжаки инареиҳаны иаԥсоуп. Уи адагьы иҳауит аманиторқәа ҩба. Анаркозтә аппарат иҳамаз ада ыҟамызт, уи ладеи-ҩадеи илаҳгәа-ҩаҳгон, иара бжьысыргьы аԥҟарақәа злаҟаҳҵоз уаҳа ҳамамызт, убри аҟнытә иҳауз аҩбатәи даараӡа ихәарҭоуп ҳара ҳзы. Еиҭа иҳауран ҳаҟоуп ИВЛ, уигьы ахә ахшәаауп, уажәы аҿкы чымазара иахҟьаны иҟоу ауадаҩрақәа рзы аара иазыԥштәхеит, цәыббрамзазы иҳауеит ҳәа ҳақәдыргәыӷт. Иҳауз амаругақәа ирыцны иааит аспециалистцәа, урҭ русушьа ҳдырбеит", - ҳәа еиҭеиҳәеит Џьопуа.
Ахәыҷтәы хәышәтәырҭа аҳақьым хада иҳәеит уи аԥхьа ироуз ареанимобиль макьана ахархәара шазум, акоронавирус иахҟьаны иаԥҵоу аԥкрақәа рзы уи аус адулашьа ҳҳақьымцәа идзырдырша аспециалистцәа ахьзымааз азы.
Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.
Иара убас шәаԥхьар ҟалоит:
-
Џьопуа ахәыҷтәы хәышәтәырҭа ҿыц аусуразы: акадрқәа рызҵаара иахьоуп ианыӡбатәу
-
Аԥсны Агәабзиарахьчара аминистрра 7,5 миллион мааҭ рыхә амедмаҭәахәқәа аанахәеит
-
Џьопуа ареанимобиль ҿыц азы: уажәшьҭа ачымазаҩ хәыҷ ишихәҭоу имҩангара ҳалшоит
