ААУ ахь ԥышәарада абитуриентцәа рыдыркылеит

© Sputnik / Томас ТхайцукАГУ
АГУ - Sputnik Аҧсны
Анапаҵаҩра
Атәылаҿ иҟоу аепидемиологиатә ҭагылазаашьа инадҳәаланы Аԥснытәи Аҳәынҭқарратә университет анапхгара аҵараиурҭа аҭалара аԥҟаррақәа рыԥсахит.

АҞӘА, ԥхынгәы 27 - Sputnik. Аԥснытәи Аҳәынҭқарратә университет адкыларатә комиссиаҿы ирыӡбеит абитуриентцәа зегьы ԥышәарада иадкылахарц ҳәа Sputnik иазеиҭеиҳәеит ААУ аректор ихаҭыԥуаҩ Виктор Маланӡиа.

"Атәылаҿ акоронавирус иадҳәалан иҟоу аҭагылазаашьала, авирус аламырҵәаразы ԥышәарада абитуриентцәа ҳадаҳкыларц ҳаӡбеит", - иҳәеит Маланӡиа.

Иара убасгьы иҳәеит аҽа мзызкны ишыҟоу, ашколқәа русура аиԥҟьара иахҟьаны абитуриентцәа рдыррақәа ахьылаҟәыз. Убри азы адкыларатә комиссиа иаӡбеит актәи асессиа ахыркәшамҭаз рдыррақәа реилкаара еиӷьуп ҳәа.

"Акарантин аан ашколқәа аркын. Убри азоуп абитуриентцәагьы иахәҭаз азыҟаҵара зырмоуз", - иҳәеит иара.

Сынтәа ауниверситет аҭаларазы ирыдыркылеит 668 рзаҳал.

Иара убас шәаԥхьар ҟалоит:

Ажәабжьқәа зегьы
0