"Ҩымш асеминар ҳалахәуанаҵы иаабеит ас еиԥш иҟоу аусура аиҿкаара зынӡа имариамзаргьы, ада ԥсыхәа ҟамлар, аиҿкаара шалшахо. Арҵаҩцәа зегьы акомпиутертә зыҟаҵара рымам иахьынӡахәҭоу, убри аусура аиҿкааразы иадҳаԥхьаларц ҳаӡбеит аҿар. Аиҳабыратә классқәа ршәышықәса ҳарҭагылоуп азы, урҭ арҵаҩцәа азыҟарҵатә иҟоуп. Онлаин ҵара ҟалар, уи уадаҩхоит аҭаацәагьы рзы. Убри аҟнытә урҭгьы алаҳгалоит арҵаратә курсқәа рахь. Акомпиутерқәеи аинтернети зегьы ирымаӡам, аха асеминарқәа ахьынӡамҩаԥысуаз аҵара министри иара жәларбжьаратәи аиҿкаарақәа рхаҭарнакцәеи ирҳәеит ацхыраара шыҟарҵо, ахәыҷқәа иахәҭоу амаҭәарқәа рыла реиқәыршәаразы. Онлаин аҵарахьы аиасра уадаҩхоит, аха маҷ-маҷ, шьаҿа-шьаҿала, уи азыҟаҵара ахәҭаны иазыԥхьаӡоуп. Уи иаанагаӡом цәыббрамзазы ашкол ахь ҳанҭыҵуа иаразнак уахь ҳаиасуеит ҳәа, ҳара зегьы ашкол ахь ацаразы ҳаҽҳархиоит, аха ари аамҭала ихымԥадатәхар иҟаҵатәу аҭагылазаашьоуп ҳзызхәыцуа, мамзар аӡәгьы қәкыс имаӡам убрахь имыиасыр ада ԥсыхәа ыҟаӡам ҳәа", - ҳәа еиҭалҳәеит Арышԥҳа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
-
Инал Габлиа Гагратәи аҵара-ааӡаратә обиектқәа рзы: иҟаҵоу маҷым, аха ирыгугьы рацәоуп
-
Лацәышԥҳа еиҭалҳәеит Гал араион аҵарадырраҟны иҟоу ауадаҩрақәа ртәы
-
Гәынԥҳа аҵарашықәс ҿыц алагаразы: инаскьагахоит ҳәа алаҳәара ҳамаӡам
