Микрофон  - Sputnik Аҧсны
Арадио

Габлиа: макьана еилкааны иҳамам ахәыҷқәа ашкол ахь ицо имцо

© Sputnik / Марианна КубраваИнал Габлия
Инал Габлия - Sputnik Аҧсны
Анапаҵаҩра
Аҵареи абызшәатә политикеи рзы аминистр Инал Габлиа арадио Sputnik иаиҭаз аинтервиу аҿы асанитартә-епидемиологиатә маҵзура иҟанаҵаз абжьгарақәа ахҳәаа риҭеит, иҳәеит онлаин аҵаразы ҳтәылаҿы лшарақәас иҟоу.
Габлиа: макьана еилкааны иҳамам ахәыҷқәа ашкол ахь ицо имцо

"Ари амчыбжь азы еилкаахоит ахәыҷқәа ашкол ахь ицо имцо. Адырра шааҟалалак, зегьы ирылаҳәахоит. Ашколқәа аанартха аамҭазы ачымазара аҽацәыхьчаразы иҟоу аԥҟарақәа ирықәныҟәалароуп. Урҭ ируакуп 20-ҩык иреиҳаны ахәыҷқәа класск аҿы рыҟамлара. Раионцыԥхьаӡа ахәыҷы дахьҭаҩу ашкол ахь дцароуп. Уи адагьы азҵаара ӡбашьа ыҟаӡам. Ҳара азин ҳамаӡам ахәыҷқәа аҿкы рылалара алыршара. Иҟоуп аԥҟарақәа асанитартә маҵзура аҟынтә иҳауз, зынагӡара уадаҩу, урҭ ашколқәа реиҳабацәеи араионтә аҵара аҟәшақәа реиҳабацәеи реилатәараҿы еиҭа ҳрылацәажәоит", - ҳәа иҳәеит Габлиа.

Аҵареи абызшәатә политикеи рзы аминистр еиҭеиҳәеит аурокқәа онлаин ахь риагаразы иҟоу алшарақәа ртәы.

"Онлаин ауроққәа рымҩаԥгара ҳазыхиаӡам, иҳалшаӡом. Арҵаҩцәа азыҟаҵаӡам, аха урҭ хәыҷы-хәыҷла иазыҟаҵалатәуп. Акарантин анрылаҳәаха аамҭазы ахәыҷқәа онлаин аурокқәа рахь иигахартә еиԥш иҟаҳҵароуп, акомпиутер аахәара алшара змам рзы аспонсорцәа рыцхыраарала иаҭаху амаругақәа аахәаны еиқәыршәахоит. Еиуеиԥшым афондқәеи анаплакқәеи ирылаҳәахоит ацхыраара шаҳҭаху. Убас хәыҷы-хәыҷла еизаҳгарц ҳгәы иҭоуп акомпиутерқәеи апланшетқәеи", - еиҭеиҳәеит Габлиа.

Аиҿцәажәара ахыркәшамҭаз аҵареи абызшәатә политикеи рзы аминистр иҳәеит макьана инагӡаны ишеилкаам ахәыҷқәа ашкол ахь ицо имцо.

Иара убас шәаԥхьар ҟалоит:

Ажәабжьқәа зегьы
0