"Иахьа ахәыҷы иоуа аинформациа рацәоуп, уи аинтернет имоуп, ателехәаԥшра, имоуп, урҭ зегьы ԥсышәала ицәажәаӡом, убри аҟнытә ахәыҷы иахь абызшәа анагара ус ирмаианы уазнеир ҟалаӡом. Ҳара аус здааулаз аметодика шьаҭас иамоуп ахәыҷы иус аинтерес иркра. Дшыхәмаруа, ашәа шиҳәо, дшыкәашо, абызшәа алагаланы ирҵара, арҵаҩи уи ицыхәмаруа ахәыҷқәеи араҟа рроль ҳаракуп. Ахәыҷы абызшәа иаҳа ирлас иҵоит иҩызцәа рҟынтә. Ҳара иазҳархиаз аметодика х-ҩаӡарак рыла ишьақәгылоуп. Актәи - ҭыжьуп, аҩбатәи - акьыԥхь иазырхиоуп, ахԥатәи - еиқәыршәаны ҳалгоит. Абарҭ рыхҩаӡарак рыла ахәыҷы дазыҟаҵазар, аԥсшәа ҳәо ашкол ахь дҳашьҭуеит, аха убри аан аметодика ахархәаразы иаԥҵоу аԥҟарақәа зегьы ирықәныҟәатәуп", - ҳәа еиҭеиҳәеит Миқаа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
- Ахәыҷқәа рзы: аԥсуа бызшәа аҵара аметодика ҿыц ӡыргоуп
