Микрофон  - Sputnik Аҧсны
Арадио

Џьопуа еиҭеиҳәеит СOVID-19 зыдбалоу аҩны зҽызхәышәтәуа рзы ацхыраара лас аус шауа

Анапаҵаҩра
Аҟәа ақалақь ацхыраара лас аҳақьым хада Аслан Џьопуа арадио Sputnik аефир аҿы еиҭеиҳәеит акороновирус зыдбалоу аҩны зҽызхәышәтәуа ироуа ацхыраара, насгьы урҭ ианаҭаххалак аамҭазы Гәдоуҭаҟа рымҩаԥгара аус шеиҿкаау атәы.
Џьопуа еиҭеиҳәеит СOVID-19 аҟнытә аҩны зҽызхәышәтәуа рзы ацхыраара лас имҩаԥнаго аусура

"Аҩны иҟоу ачымазаҩцәа зегьы аполиклиникақәа рнапы иануп, атерапевтцәа рхылаԥшуеит. Еиҿкаауп абригада, арентген аҭахызар ачымазаҩ аҟәатәи ақалақьтә хәышәтәырҭаҿы дызланарго, анаҩс аҩныҟа дызлаарго. Анализқәа ракәзар, аҩны инеины ирго иҟоуп. Згәабзиара еицәахаз, аҩны ихәышәтәра ианамуӡалак, усҟан ҳара адырра ҳарҭоит. Ацхыраара лас абригада ҳҽааибыҭаны, иаҭаху амаҭәа зегьы рышәҵаны ачымазаҩ даашьҭыхны Гәдоуҭа агоспиталь ахь днаагоит. Уа данаанҳажьлак, уи дымҩаԥызгази иара амашьынеи арзҩыдаратә усқәа ирхысны ҳбазахь идырхынҳәуеит. Ара аҭыԥаҿ ианааилак ҳаргьы еиҭа иаҳрыцқьоит. Абасала еиҿкаауп ҳусура. Макьана ҳамч ақәхоит, ҳусутә ҳахьӡоит", - ҳәа еиҭеиҳәеит Џьопуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Акоронавирус иазку ажәабжьқәа зегьы шәрыԥхьар ҟалоит абра>>

Ажәабжьқәа зегьы
0