Аԥсны индиатәи аҵиаа аарыхра иалагеит

© Sputnik / Томас ТхайцукТехническую культуру гуар, которую используют в пищевой и нефтедобывающей промышленности, начали выращивать в Абхазии
Техническую культуру гуар, которую используют в пищевой и нефтедобывающей промышленности, начали выращивать в Абхазии - Sputnik Аҧсны
Анапаҵаҩра
НовостиTelegram
Гуар – аҟәыджәла иатәу ҳаскьынтә ҵиаауп. Ари акультура аиҳарак Индиеи Пакистани иаадрыхуеит.

АҞӘА, цәыббра 11 – Sputnik, Асмаҭ Ҵәыџьԥҳа. Аԥстәқәа рзы афатә аалыҵи анефҭыҵхратә ааглыхреи рҿы рхы иадырхәо акультура гуар Аԥсны експеримент ҳасабла аарыхра иалагеит ҳәа Sputnik иазеиҭеиҳәеит Санкт-Петербургтәи Ақыҭанхамҩа амикробиологиатә институт аусзуҩ Свиатослав Лоскутов.

Иара иажәақәа рыла, шықәсык анҵыра змоу ари аҟәыджәлаҵиаа Урыстәылаҟа Индиантә иаагоуп. Гуар агуартә камедь алырхуеит, уи аус анадырулалак ашьҭахь афатәааглыхраҿы рхы иадырхәоит аԥстәқәа рзы, иара убасгьы анефҭыҵхратә ааглыхраҿы аржәпаразы (анефҭ аҵхра аметод).

© Sputnik / Томас ТхайцукСвиатослав Лоскутов агуар аарыхырҭаҿы
Аԥсны индиатәи аҵиаа аарыхра иалагеит - Sputnik Аҧсны
Свиатослав Лоскутов агуар аарыхырҭаҿы

Вавилов ихьӡ зху Урыстәылазегьтәи аҵиааӡаратә институт ахь иааргаз гуар ажәла ларҵеит Аԥсны, Аҟәеи Гали араионқәа рҿы 2019 шықәса рзы. Раԥхьатәи аҽаҩра ҟалараны иҟоуп 2020 шықәса анҵәамҭазы.

Аҟазауаҩ иазгәеиҭеит гуар аарыхразы ишыбзиоу анышәаԥшь ахьамоу аҭыԥқәа. Иара бзиа иабаӡом ацәаакыра ҳаракеиԥш, аҩарақәагьы. Иларҵоит лаҵарамзазы, аҽаҩра еизыргоит ԥшьымзҟа рышьҭахь.

"Апроект Аԥсны аус аҳарурц азы аинтерес ҳкит иара субтропикатә культуран иахьыҟоу азы. Арбагақәа бзиоуп. Урыстәыла гектарк аҟынтәи 25-26 центнер ҭыргоит, Аԥсны, Гал араион аԥышәаратә дәаҿы 32 центнер гектарк аҟынтәи иҭыргеит", - иҳәеит Лоскутов.

Лоскутов иажәақәа рыла, Урыстәылатәи аҵарауаа уажәы ари акультура агенетикатә ҷыдарақәа ҭырҵаауеит.

Уажәтәи аамҭазы Урыстәыла, агуартә камедь аимпорт ауп еиҳарак иҟоу, уи аҽацәгаразы аԥышәаратә усурақәа мҩаԥыргоит агуар аарыхреи акамедь ааглыхреи рзы.

Акультура Аԥсны аарыхра алшоны иҟалар, гуар арантәи Урыстәылаҟа експорт ҳасабла анашьҭра ҟалоит хәы змоу культурак аҳасабала иҳәеит аҟазауаҩ.

Ажәабжьқәа зегьы
0