АҞӘА, цәыббра 15- Sputnik. 2021 шықәсазы "ан лмал" иаздырҳараны иҟоуп ҳәа аанацҳауеит Урыстәыла аџьа аминистрра апресс-маҵзура.
Убас ала актәи ахшара изы ашәара иартәоит 483 882 мааҭ. Аҭаацәа актәи ахәыҷы изы ашәара рзыҟаҵамзар, аҩбатәи ахшара изы ироуеит 639 432 мааҭ. Ус анакәымха аҩбатәи ахәыҷы изы иршәо 155 550 мааҭ ауп.
2021 шықәсазы ашәарақәа ирзазыԥхьагәаҭоуп 443,3 миллиард мааҭ.
Урыстәыла ахада Владимир Путин хәажәкыра 1 азы "амал" апрограмма ирҭбааит, 2026 шықәсанӡа днахеит.
Уи адагьы 2020 шықәса ажьырныҳәа 1 аҟынӡа ахәыҷы ԥас ма ԥҳас ааӡара дызгаз ахаҵа имоуп азин ашәара аиуразы.
Иара убас шәаԥхьар ҟалоит:
- 250 инареиҳаны аԥсуа ҭаацәарақәа ахԥатәи ахәыҷы изы аԥара рзыршәеит
