Гәҭакыла аԥҳәыс лышьразы Аҟәа ақалақь апрокуратура ашьаус хацнаркит

© Sputnik / Томас ТхайцукПрокуратура г. Сухум
Прокуратура г. Сухум - Sputnik Аҧсны
Анапаҵаҩра
Аԥсны Ашьауӷатә Закәанеидкыла инақәыршәаны, ауаҩ ишьразы ухақәиҭра уалхәыдартәуеит фышықәса инаркны жәаҩа шықәса рҟынӡа.

АҞӘА, цәыббра 23 – Sputnik. Аҟәа ақалақь апрокуратура ашьаус хацнаркит аҳҭнықалақь аҿы аԥҳәыс лышьра инамаданы ҳәа аанацҳауеит ареспублика апрокуратура.

Ашьаус хацыркуп Аԥсны АЗ ахәҭаҷ 99 ахәҭа 1 (гәҭакылатәи ауаҩшьра) инақәыршәаны.

"Ауаҩшьра аҭыԥ аман 2020 шықәса цәыббра 18-19 ауха, Ҭраԥшь имҩа, аҩны № 23 аҟны. Ишьақәыргылам ахаҿы, атәылауаҩ Оганиан Раиса Илиа-иԥҳа, 1940 шықәса рзы ииз, лыҩны дыҩналаны ицагәаз маҭәарла длысны дишьит", - ҳәа аҳәоит адырраҭараҿы.

Ахҭыс ахьыҟалаз аҭыԥ ҭҵаауп, аҿахәҿыхра мҩаԥыргоит, аекспертиза мҩаԥгахоит.

Огониан дызшьыз ахаҿы ишьақәыргылареи иаанкылареи рзы анапынҵа нашьҭуп Аҩныҵҟатәи аусқәа рминистррахь.

Ажәабжьқәа зегьы
0