АҞӘА, цәыббра 24 – Sputnik. Уахыки-ҽнаки рыла Аԥсны даҽа 61 коронавирустә хҭыс аадырԥшит ҳәа аанацҳауеит Ауааԥсыра акоронавирус рацәыхьчаразы аоперативтә штаб.
"Иҳаҩсыз уахыки-ҽнаки рыла акоронавирустә инфекциа рылоу ирыламу гәаҭан 227-ҩык атәылауаа, урҭ рахьтә адиагноз COVID-19 рзышьақәырӷәӷәоуп 61-ы", - ҳәа аанацҳауеит адырраҭара.
Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 99-ҩык апациентцәа, урҭ рахьтә ари адиагноз рзышьақәырӷәӷәоуп 97-ҩык, рҭагылазаашьа хьанҭоуп быжьҩык, ибжьаратәуп 33-ҩык, илҩаауп 9-ҩык.
Ахыԥхьакраҿы иҟаз рахьтә ргәы бзиахеит 21-ы ҳәа азгәарҭеит аштаб аҟны.
Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.
Акоронавирус иазку ажәабжьқәа шәрыԥхьар ҟалоит абра>>
