Гәдоуҭатәи аковидхәышәтәырҭа атомограф аусура аанкылоуп

© Sputnik / Илья Питалев / Амедиаҵәахырҭахь аиасраГоспиталь COVID-19 в центре МГУ имени М. В. Ломоносова
Госпиталь COVID-19 в центре МГУ имени М. В. Ломоносова - Sputnik Аҧсны
Анапаҵаҩра
Акомпиутертә томографиа аппарат Гәдоуҭатәи ахәышәтәырҭазы иаанахәеит аԥсуа наплакцәа рхеидкыла "Ҳара ҳаӡәыкуп".

АҞӘА, жьҭаара 9 – Sputnik. Гәдоуҭатәи ахәышәтәырҭаҿы акомпиутертә томографиа аппарат аусура иаҟәыҵит ҳәа арадио Sputnik иазеиҭеиҳәеит Аԥсны агәабзиарахьчара аминистрра афармациа аҟәша аиҳабы Ахра Аџьба.

"Анџьнырцәа аппарат аҿаркит, аусура иаладыргеит, ҽнак-ҩымш аус бзианы иауан. Анаҩс иара агхақәа ҟанаҵо иалагеит, уаҳа ус аусура алшомызт. Усҟан анџьныргьы дцахьан, даҽазнык дааҳаԥхьар акәхеит, иара аԥсшьарамшқәа рзы даауеит, ашәахьаҽны аппарат арҽеира далагоит", - иҳәеит Аџьба.

Иара убасгьы иара иҳәеит акомпиутертә томографиа аппарат аус ахьынӡамуа, аҭыхымҭақәа еиҭаҵуа арентген-аппарат ала ишыҟарҵо.

В Гудаутский ковидный госпиталь доставлен аппарат компьютерной томографии (KT).  - Sputnik Аҧсны
Акомпиутертә томограф Гәдоудауҭатәи ахәышәтәырҭахь инагоуп

Акомпиутертә томографиа аппарат Гәдоуҭатәи араионтә хәышәтәырҭа хадахьы инаргеит цәыббра 2 рзы. Уи аанахәеит аԥсуа наплакцәа рхеидкыла "Ҳара ҳаӡәыкуп".

Жьҭаара 8 рызтәи аҭагылазаашьала, Гәдоуҭатәи агоспиталь аҿы 112-ҩык акоронавирус ззышьақәыргылоу апациентцәа шьҭоуп, урҭ рахьтә рҭагылазаашьа бааԥсуп 22-а, 55-ҩык рҭгылазаашьа бжьаратәуп.

Иара убас, жьҭаара 8 рызтәи аҭагылазаашьала, Аԥсны иахьаҵанакуа иаарԥшу акоронавирустә хҭысқәа рхыԥхьаӡара 2071-ы ыҟоуп. Ргәы бзиахеит 811-ҩык, 19-ҩык рыԥсҭазаара иалҵит.

Акоронавирус иазку ажәабжьқәа зегьы шәрыԥхьар ҟалоит абра>>

Ажәабжьқәа зегьы
0