Аҟәатәи ахәыҷтәы поликлиникаҿы COVID азы агәҩара ззыҟоу ахәыҷқәа ауада рзаадыртит

© Sputnik / Илья Питалев / Амедиаҵәахырҭахь аиасраЦентр "НМИЦ здоровья детей" Минздрава РФ, где проходят лечение дети с COVID-19
Центр НМИЦ здоровья детей Минздрава РФ, где проходят лечение дети с COVID-19  - Sputnik Аҧсны
Анапаҵаҩра
НовостиTelegram
Уаанӡа Аҟәатәи ахәыҷтәы поликлиника аҳақьым хада Ада Абыхәԥҳа адырра ҟалҵахьан аҳҭнықалақь аҿы 80-ҩык ахәыҷқәа акоронавирустә инфекциа рыдбалоуп ҳәа.

АҞӘА, жьҭаара 24 - Sputnik. Жьҭаара 22 рзы Аҟәатәи ахәыҷтәы поликлиникаҿы COVID-19 рылоуп ҳәа агәҩара ззыҟоу ма изыхьуа ахәыҷқәа рзы акабинет аадыртит ҳәа аанацҳауеит аҳҭнықалақь ахадара асаит.

Врач осматривает ребенка - Sputnik Аҧсны
Роспотребнадзор ахәыҷқәа акоронавирус еиҭарго еиҭарымго шьақәнаргылеит

Акабинет аполиклиника ахыбраҿы иҟоуп, аха аҩналарҭа хазуп. Ахәыҷқәа рыдкылара мҩаԥыргоит аҳақьыми амедиаҳәшьеи. Ҩымш рыҩнуҵҟала акоронавирустә инфекциа аҟазшьақәа рыманы аполиклиникахь инеит 19-ҩык. Урҭ рҟынтәи ҩыџьа рдиагноз шьақәырӷәӷәан", - аҳәоит адырраҭараҿы.

Уаанӡа Аҟәатәи ахәыҷтәы поликлиника аҳақьым хада Ада Абыхәԥҳа арадио Sputnik аинтервиу аҭо илҳәеит цәыббра 4 инаркны жьҭаара 20 рҟынӡа 725 хәыҷы шрыдыркылахьоу, урҭ рҟынтәи 82-а ахәыҷқәа акоронавирустә инфекциа шырзышьақәырӷәӷәаз. Убри инадҳәаланы иӡбан аполиклиникаҿы акабинет ҷыда аартызарц.

Иара убасгьы иазгәаҭоуп иаҭахханы иҟалозар аполиклиникаҿ ишыҟоу ПЦР-тестқәа 20.

Акабинет аус аулоит асааҭ 9:00 - 15:00 рзы ашәахьа инаркны ахәашанӡа.

Акоронавирус иазку ажәабжьқәа зегьы шәрыԥхьар ҟалоит абра>>

Ажәабжьқәа зегьы
0