Гал аӡышьҭрақәа ррыцқьара араионтә хәышәтәырҭа ӡыла аиқәыршәара иацхраауеит

© Sputnik / Томас ТхайцукГород Гал
Город Гал  - Sputnik Аҧсны
Анапаҵаҩра
НовостиTelegram
Гал ақалақьтә нхамҩа аусбарҭа "ИнгурГЭС" атехника ҷыда адыԥхьаланы жьҭаара 6 рзы имҩаԥнагеит 2,5 километра рҟынӡа аӡыршьҭрақәа ррыцқьара.

АҞӘА, абҵара 4 - Sputnik. Гал ақалақь агәҭаны аӡыршьҭра арыцқьараан иаарԥшын аӡымҩангагатә цәаҳәақәа. Урҭ ақалақь ахадара рхы иадырхәараны иҟоуп араионтә хәышәтәырҭа ӡыла аиқәыршәаразы ҳәа аанацҳауеит Гал ТВ.

Беслан Эмырхэба - Sputnik Аҧсны
Арадио
Емырхәба Гал аӡы апроблема азы: аӡымҩангагақәа 50 шықәса ҵуеит ирымԥсахыижьҭеи

Гал ақалақьтә нхамҩа аусбарҭеи "ИнгурГЭСи" русзуҩцәеи ари амчыбжь азы Самурзаҟантәи амҩа иахьаԥну аусурақәа ирҿуп.

"50 шықәса инарзынаԥшуеит аӡышьҭра дымрыцқьеижьҭеи. Аусурақәа ирылҵшәаханы аӡы гәылҭәаала ицо иалагеит. Уи адагьы алыкь аҿы иҳаԥшааит адгьыл иҵалахьаз аӡымҩангагатә цәаҳәақәа. Урҭ уажәы ҳхы иархәаны апроблема ду аӡбра ҳалшоит. Абиуџьеттә ԥарақәа ныххом Галтәи ахәышәтәырҭа ӡыла аиқәыршәаразы", - Гал ТВ иазеиҭеиҳәеит ақалақь ахада ихаҭыԥуаҩ Дмитри Адлеиба.

Адлеиба еиҭеиҳәеит хара имгакәа ақалақь агәы аҟны арԥшӡаратә усурақәа шымҩаԥгахо. Еиҭарҳараны иҟоу аҵлақәа, ачықьқәа, ашәҭқәа. Ақалақь ахадара ирыгәҭакуп аӡышьҭырҭақәа рыҟаҵара.

Гал ақалақь аҿы аӡиасқәа рӡышьҭра арыцқьара макьана имҩаԥысуеит.

Адлеиба иажәақәа рыла ааигәа инхо ауааԥсыра рҟынтәи аҳәара роуеит аӡқәа рҟара арӷәӷәаразы. Имҩаԥысуа аусурақәа, Гал азы ипроблемоу аӡхыҵрақәа рызҵаара рыӡбараны иҟоуп ҳәа иршьоит аҟазауаа.

Ажәабжьқәа зегьы
0