АҞӘА, абҵара 10 – Sputnik. Аԥснытәи ашьапылампылтә команда "Олимпик" актәи аҭыԥ аннакылеит ашьапылампылтә лига "8 на 8" атурнир аҿы. Уи ала Урыстәыла ачемпионат ахь амҩа аартхеит ҳәа Sputnik иазеиҭеиҳәеит акоманда акапитан Рамин Барганџьиа.
"15 хәмарра мҩаԥаагеит. Иааира-цыԥхьаӡа хԥа-хԥа очко ҳауан, аиҭахаразы – акы. Абас, маҷ-маҷла актәи аҭыԥ аҟынӡа ҳнеиит", - иҳәеит иара.
Атурнир мҩаԥысуан нанҳәа 9 инаркны абҵара 8 рҟынӡа.
Аԥснытәи акоманда "Олимпик" атурнир аихшьаалақәа рыла Урыстәыла ачемпионат "8 на 8" ахь амҩа ылнахит. Заанаҵтәи аинформациала ачемпионат мҩаԥысраны иҟоуп хәажәкырамзазы Адлер.
Аԥснытәи "Олимпик" Шәача ашьапылампылтә турнир аҿы ииааиит
© Foto / Рамин Барганджия
"Олимпик" шьаҭаркын 2019 шықәса рзы. "Олимпик" хынтәуп ашьапылампылтә лига "8 на 8" аҽаланархәуеижьҭеи. Уаанӡа ахԥатәи аҭыԥ аннакылахьан.
Ашьапылампылтә лига "8 на 8" аҿы ихәмаруа акомандақәа ааҩык алахәылацәа рымоуп.
